သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်

AFTER REBIRTH [ EPISODE 26 ]

Unicode

EPISODE 26

ဦးစတီဗင်ဟိန်းကို ချစ်သလား၊မချစ်သလားဆိုတဲ့မေးခွန်းအတွက် အခုအချိန် ခြည့်မှာ ရေရေရာရာအဖြေမရှိသေးပါ။

ရင်ခုန်တာက အချစ်လား။
ရင်ခုန်တိုင်းသာအချစ်လို့အဓိပ္ပာယ်ဖွင့်ရမယ်ဆိုရင် ရုတ်တရက်ပေါ်လာတတ်တဲ့ လိုင်စင်စစ် မော်တော်ပီကယ် တွေကို မင်းတို့ ချစ်ကြသလား။ ဓားတစ်၀င့်၀င့်နဲ့ဓားပြတွေကိုရော မင်းတို့ချစ်ကြသလား။

အားကိုးရှာမိတိုင်းလည်းအချစ်လို့မထင်မိပါဘူး။
အားကိုးရှာမိတိုင်းသာအချစ်ဆိုရင် အချစ်ဟာမျက်နှာများတယ်လို့ ခြည် ယူဆပစ်မိမှာပဲ။

အချစ်ဆိုတဲ့အရာကအပေးရောအယူရော မျှတနေမှ ဘက်မျှတဲ့ ချစ်ခြင်းမေတ္တာတဲ့လား။ဒါက အလယ်အလတ်လမ်းစဉ်အတိုင်းဖြစ်နေပေမယ့် သွေးအေးသွားတဲ့ဆက်ဆံရေးတွေမှာဆိုရင်ရော အချစ်ကဘယ်ရောက်သွားပါသလဲ။

အချစ်ဟာ အချိန်ကြာသွားတာနဲ့ ပျောက်ကွယ်သွားတတ်ပါသလား။ ဒါဆိုရင် အချစ်ဟာ တန်ဖိုးထားပြီး ရွေးချယ်နေဖို့လိုအပ်ပါဦးမလား။

ခြည်ဖြင့် အချစ်ဆိုလျှင် ကိုယ့်ကိုယ်ကိုချစ်မြတ်နိုးခြင်းဆိုတဲ့ self love ကိုပဲ ပိုပြီးအားသန်မိတော့တာပဲ။တစ်ပါးသူရဲ့ ချစ်ခြင်းမေတ္တာတွေကို မျှော်လင့်ပြီး အားကိုးတကြီးနဲ့ ယုံကြည်နေတာထက် ကိုယ့်ကိုယ်ကိုချစ်လိုက်တာကပဲပိုပြီး အဆင်ပြေနေပါဦးမယ်။

နောက်တစ်ခုက ချစ်ခြင်းမေတ္တာ နဲ့ သံယောဇဉ် ဟာ တူမယောင်နဲ့ ကွဲပြားပါသတဲ့။ခြည်ကတော့ သံယောဇဉ်ကိုပဲ ရွေးချယ်လိုက်ပါ့မယ်။

ဦးစတီဗင်ဟိန်းအတွက် အဲ့ဒီနေ့က ခြည့်ဘက်က တိကျတဲ့အဖြေမပေးနိုင်ခဲ့ပါ။ဦးစတီဗင်ဟိန်းအနေနဲ့လည့် ခြည့်အပေါ် စိတ်မကွက် စိတ်မပျက် ဖို့မျှော်လင့်ရတာပါပဲ။

ခံစားချက်ဆိုတဲ့အရာမျိုးကို လွယ်လွယ်ကူကူနဲ့တည်ဆောက်လို့ရတာမဟုတ်သလို ခဏချင်းမှာပဲ အတည်ပြုပေးလိုက်မယ်ဆိုရင် အပေါစားဆန်သွားမှာကို ခြည် စိုးရိမ်မိပါရဲ့။

ဦးစတီဗင်ဟိန်း မျက်နှာ အနည်းငယ် ပျက်သွားတာကို ခြည် ဖျတ်ခနဲမြင်လိုက်ရသည်။ မတတ်နိုင်။ ခြည်မှ မညာချင်တာ။မချစ်တာကို ချစ်တယ်လို့ပြောတာ၊ မမုန်းတာကို မုန်းတယ်လို့ပြောတာမျိုးကို ခြည် အမုန်းဆုံးပဲ။ ဒါကလည်း သူ့ရဲ့ သားအရင်းခေါက်ခေါက် ရဲ့ လုပ်ရပ်ကြောင့် ဖြစ်လာတဲ့ အကျိုးရလဒ်ပဲ မဟုတ်ပါလား။