Unicode
Recommended Song - အသည်းနုတော့ကြောက်တာပေါ့ By ရတနာဦး
"အသက်ကြီးတဲ့သူတွေ သူတို့ထက်အသက်အများကြီး ငယ်တဲ့သူတွေကို သဘောကျတာကိုမင်းဘယ်လိုမြင်လဲဟင် နူးညံ့"
နူးညံ့အိမ်ကိုရောက်တော့ ဦးဦးနဲ့အန်တီ တို့နှစ်ယောက်ကိုမတွေ့ပါဘဲ နူးညံ့ထူးနိုင်တစ်ယောက်တည်းသာဆိုဖာပေါ်တွင် ပျင်းပျင်းရိရိထိုင်နေသည်ကိုတွေ့လိုက်ရသည်။ အစမှာ နူးညံ့ကခြည့်ကိုတွေ့တာနဲ့ပျော်ရွှင်သွားပြီး စကားတွေတွတ်ထိုးရင်း ခြည့်ကိုလည်း နိုရာနဲ့ဖြစ်ပျက်ခဲ့သမျှပြဿနာများအပေါ် စိတ်ညစ်နေမှာကိုစိုးနေပုံရသည်။ ထိုစဉ် ခြည်ပြုံးပြီးနားထောင်နေရင်းမှ ဟိုလူကြီးအကြောင်းအားစဉ်းစားမိသွားသည်။ ထို့ကြောင့် မေးခွန်းတစ်ခုအား လွှတ်ခနဲ ထွက်သွားခြင်း။
"ဟမ် ... ဘယ်လို ဘယ်လို အသက်ကြီးတဲ့သူနဲ့ အသက်ငယ်တဲ့သူလား"
"အင်း"
"ငါ့ရဲ့ အမြင်ကိုပြောရမယ်ဆိုရင်တော့ဖြင့် အဟမ်း"
နူးညံ့ကချောင်းဟန့်ကာ ပျားရည်ခွက်ကလေးကို မော့သောက်ပြီးမှ စကားပြန်ဆက်သည်။
"အသံကောင်းစေပြီး ခံတွင်းနံ့ရှင်းတယ်ဆိုလို့လေ ဟဲ ဟဲ "
"ဆက်ပြောပါဆို"
ခြည်ခြည် နူးညံ့ရဲ့စကားလမ်းကြောင်းကို ပြန်တည့်မတ်ပေးရသည်။
နူးညံ့ကပြုံးလျက်ဖြင့်...
"အသက်အရွယ်ဆိုတာ ကိန်းဂဏန်းတစ်ခုပဲလေ၊ အချစ်မှာ ကန့်သတ်ချက်မရှိဘူး၊ လွန်လွန်ကြူးကြူးမဟုတ်သရွေ့ အချစ်ဟာ တန်ဖိုးရှိတဲ့ ခံစားချက်တစ်မျိုးပဲ"
"လွန်လွန်ကြူးကြူးဆိုတာကဘာလဲ "
"အဖိုးနဲ့မြေးအရွယ်၊ ဆင်နဲ့ဆိတ်လောက်ကွာခြားချက်၊ အသိုင်းအဝိုင်းနဲ့ နေထိုင်ကြီးပြင်းလာတဲ့၀န်းကျင် ကွာခြားချက်ကြီးမားလွန်းတာ ဒါတွေပေါ့၊ ရှေ့နှစ်ချက်ကတော့ပြောစရာမလိုပေမယ့် နောက်ဆုံးတစ်ချက်ကလည်း သူ့အပေါ်မူတည်ပြီး လူတစ်ယောက်ရဲ့ အတွေးအခေါ် အပြုအမူ စတာတွေကကွဲပြားသွားကြတယ်လေ၊ ဝံပုလွေတောထဲမှာ ယုန်ငယ်လေးကဘယ်လောက်တောင် အသက်ရှင်နိုင်မှာတဲ့လဲ ၊ဟုတ်တယ်မလား ခြည်ခြည်ရ"
YOU ARE READING
သတိရလာပြီးနောက်သူဌေးကြီးရဲ့ဒုတိယရင်သွေးကိုကိုယ်၀န်လွယ်ထားရတယ်
Romance🎶" If you break my heart , I'll go date your father. You gonna be my son, You go call me your mother"🎶 အမျိုးအစား - Rebirth, Revenge, Male-Preg, Comedy
