Unicode
တစ်ကယ်တော့ ကုန်ခဲ့တဲ့ သုံးလတာကာလ အတွင်း စတီဗင်ဟိန်းရဲ့ ဘ၀ကို နှစ်ပိုင်းခွဲခြားလို့ရပါလိမ့်မည်။
အမှန်တရားကိုမသိခင်အပိုင်း ဒါမှမဟုတ် အရူးတစ်ပိုင်း။ အမှန်တရားကို သိသွားတဲ့နောက်ပိုင်း ဒါမှမဟုတ် ကျပ်မပြည့်တဲ့တစ်ပိုင်း။
ခြည်ခြည် သေဆုံးသွားပြီဆိုတာကို လက်မခံချင်လည်း လက်ခံဖို့ ကြိုးစားရတော့မယ့်အချိန် တစ်ခုကို စတီဗင်ဟိန်း အရူးတစ်ယောက်လို ဖြတ်သန်းခဲ့ရသည်။
ခြည်ခြည်က သတိလစ်နေဆဲဆိုရင် သူ့မှာခြည်ခြည့် အပေါ် မျှော်လင့်ချက်အကြီးကြီးထားလို့ရသည်။တစ်ကမ္ဘာလုံးက အတော်ဆုံး အထက်မြက်ဆုံးဆိုတဲ့ ဆေးဆရာ သမားတော်တွေနဲ့ ပြသကာ ချာတိတ် သတိမရမချင်းကုသမည်။ အချိန် အကြာကြီးလား ဖြစ်ပါတယ်။ဆယ်နှစ်၊ နှစ်နှစ်ဆယ်၊ နှစ်သုံးဆယ် ဘယ်လောက်ကြာကြာ သူစောင့်နိုင်သည်။
သို့ပေမယ့် ခြည်ကအသက်ရှူရပ်လို့ ဤလောကကို ကျောခိုင်းကာထွက်ခွာသွားခဲ့သည်။
၀မ်းနည်းရပေမယ့်ဒီအဆင့်မှာတောင် သူ့မှာ မျှော်လင့်ချက် တစ်ရာနှုန်းရှိနေဆဲပါ။ မမျှော်လင့်ထားတဲ့ အဖြစ်အပျက် အကြောင်းအရာတွေဖြစ်ပြီး ချာတိတ် သတိပြန်လည်လာလေမလားပေါ့လေ။
ကံမကောင်းစွာနဲ့ ခြည့် ရုပ်အလောင်း ကို ခြည့်မိဘတွေကိုယ်တိုင်က အချိန်မဆွဲဘဲ သင်္ဂြိုလ်ပစ်ကြသည်။ရလာတဲ့အရိုးပြာအိုးတောင် သူ့မှာ ကိုင်တွေ့ခွင့်မရှိပါဘဲ တစ်ပတ်အကြာမှာ ဦးရိုးရာကြီးက သူ့သားကို လွတ်လပ်စေချင်သည်ဟုဆိုကာ ပင်လယ်ပြင်ထဲ ချာတိတ်ရဲ့ အရိုးပြာတွေကို ကျဲပစ်သည်။
ဦးရိုးရာကြီးက စောက်ကျိုးနည်း ယောက္ခထီး ပါကွာ။သားမက်ဖြစ်သူ ကြေကွဲ၀မ်းနည်းတာကိုလျစ်လျူရှုပြီး သားဖြစ်သူရဲ့ ဖြစ်တည်မှုသေးသေးလေးကအစ အကုန် ဖျောက်ဖျက်ပစ်သည်။
စတီဗင်ဟိန်း တားမလို့ လုပ်တဲ့ အချိန်မှာ ချာတိတ်ရဲ့ အရိုးပြာတွေက ပင်လယ် ရေပြာပြာတွေကြားထဲ ပျော်၀င်ပျောက်ကွယ်ကုန်သည်။
"မလုပ်နဲ့ ငိုးမ၊အဲ့ဒါ ငါ့ကလေးလေးရဲ့ နောက်ဆုံးလက်ကျန်အမှတ်တရတွေ !!"
YOU ARE READING
သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်
Romance𝙲𝚘𝚖𝚎𝚍𝚢 | 𝚁𝚘𝚖𝚊𝚗𝚌𝚎 | 𝚁𝚎𝚋𝚒𝚛𝚝𝚑 | 𝚁𝚎𝚟𝚎𝚗𝚐𝚎 | 𝙼-𝙿𝚎𝚛𝚐
