သတိရလာပြီးတဲ့နောက် သူဌေးကြီးရဲ့ ဒုတိယရင်သွေးကို ကိုယ်၀န်လွယ်ထားရတယ်

Finale

Unicode

ဦးနဲ့ ခြည်တို့ နှစ်ဦးသား ဂျူနီယာလေးကိုမွေးဖွားပြီး တစ်လအကြာမှာပဲ နှစ်ဖက်မိဘခွင့်ပြုချက်နဲ့ ဦးရဲ့အိမ်ကိုပြောင်းလို့ တစ်အိုးတစ်အိမ်ထူထောင်ဖြစ်ခဲ့ပါတယ်။

ဦးစတီဗင်နဲ့ ပါပါးတို့စုံတွဲရဲ့ အသက်က သိပ်မကွာတာရယ်၊ ဂျူနီယာလေးကို ခြည်တို့နှစ်ဦး အင်အားနဲ့ ပျိုးထောင်ချင်တာရယ် ကြောင့် အိမ်ခွဲဖို့ အတွေးက ပိုပြီးခိုင်မာသွားခဲ့သည်။

ဂျူနီယာဟိန်းလေးက တစ်ဦးတည်းသော သားဖြစ်တာကြောင့်ရယ် ဦးစတီဗင်ရဲ့ မျိုးရိုးနဲ့ တူတာကြောင့်ရယ် ကိုယ်လုံးကိုယ်ထည် ထွားကျိုင်းပြီး ၀တုတ်တစ်ခဲနေခဲ့သည်။

ကျန်တာထက် ဦးနှောက်ဉာဏ်ရည်ကောင်းပြီး ထက်မြတ်ကာ သိလွယ်တတ်လွယ်သည့် ဂျူနီယာလေးက သူ့ပါပါးကို တွယ်ကပ်လွန်းသည်။တစေ သူ့ပါပါးက ချီလျှင်ချီ မချီလျှင် အနားမှာ ရှိနေမှသာနေသည်။သူ့ဒယ်ဒီ ဦးစတီဗင်နှင့်တောင်မှ ဂျူနီယာက သိပ်မနေချင်။ ရံဖန်ရံခါ ငိုယို ဂျီကျလို့ ခြည့်ကို အမြဲရှာနေတတ်သည်။

ဂျူနီယာ့ကိုယ်အလေးချိန်က လသားအရွယ်ဆိုပေမယ့် သူများကလေးတွေ တစ်နှစ်သားအရွယ်နီးပါးမို့ ချီပိုး မည်ဆိုပါလျှင် လက်မောင်းတွေအောင့်နေအောင်ချီရသည်။

စဉ်းစားသာကြည့်ပါတော့။ခြည်ခြည့်လို လူ့ဖလံလေး က သားဖြစ်သူကို ချစ်လွန်းလို့ နို့၊အာဟာရ ကအစ တစ်ခုလေးမှ မလပ်ရအောင် ကျွေးမွေးပြုစုခဲ့ပြီးရလာဒ်အနေဖြင့် နင့်နေအောင် သားဖြစ်သူကို ထိန်းရတော့သည်။

ကလေးထိန်းဟုတ်လား။
သူ့ကို မွေးကတည်းက ခြည်နဲ့ အတူတူ ပြုစုလာခဲ့တဲ့သူ့ ဒယ်ဒီကိုတောင် ဂျီးများချင်တာ ကလေးထိန်းကတော့ပြောမနေပါနဲ့။ လူစိမ်းအဆင့်တောင်မဟုတ် သူ့ကို ချစ်လွန်းလို့ ခဏခဏ ချောင်းပေါက်မတတ် အိမ်ကိုလာလည်တတ်တဲ့နူးညံ့ကိုတောင် ဂျူနီယာက မကြည်ချင်။

တစ်ကယ်တော့ဂျူနီယာ့ဘက်ကြည့်ရင်လည်းမမှား။နူးညံ့ကလည်း နူးညံ့။အိမ်ရောက်တာနဲ့ အော်ဟစ်ပြီး ဂျူနီယာ့ပါးကိတ်ကို ပြေးဖျစ်သည်။ နမ်းသည်။ ဂျူနီယာ့ကိုယ်ကြီးကို မရရအောင် ချီပိုးကာ သူ့တူကို ချော့တယ်လုပ်သည်။ ဂျူနီယာကသူ့ပါပါးနဲ့ကလွဲရင် တစ်သီးတစ်သန့်ဆန်သူမို့ နူးညံ့အိမ်ထဲကမလာခင် အသံကြားကတည်းက ခြည့်နောက်မှာ လေးဘက်ထောက်လို့ ပြေးပုန်းပြီးသား။