The Story of Us (Sollano Brothers Parents)

Chapter 2

Napalabas si Divina ng room dahil sa kakulitan, nagkatinginan kami ni Lily. Hindi namin alam kung matatawa kami o mangangamba para sa kanya.
Nagpatuloy ang lesson. Si Ma'am, hindi na makangiti. Halatang na-highblood siya.

Maya-maya, may text akong natanggap.

Divina:
I'm in the hallway. Hinihintay ko  mapansin ako ni Ryle para magpabuhat kunwari hinimatay ako 🤣

Me:
GAGA KA. Tumigil ka na. Akin yan. 🖕

Napailing na lang ako. Nagpatuloy ang discussion ni ma'am, at nakapasok na rin si Divina sa sumunod na subject. Tinawanan niya lang kami—at syempre, nagtawanan din kami. Sanay na kami na laging nahuhuli ng teacher kapag may kalokohan. Buti na lang wala si Jaja sa klase na 'yon—kung hindi, lagot kami sa kaniya.

"Saan tayo?" tanong ko habang inaayos ang gamit ko.

Recess time na—finally. Wala nang teacher sa room kaya medyo maingay na ulit. Si Lily, naglalaro sa phone niya. Si Divina, naglalakad-lakad habang kumakain ng choco stick. Ako naman, nakaupo lang, nag-aayos ng gamit.

Biglang bumukas ang pinto. Tatlong lalaki mula sa ibang section ang pumasok. May hawak silang bouquet ng red roses, may maliit na ribbon na nakatali.

"Hi. . ." sabi nung isa. Halatang nahihiya, pero cute—hindi ko ma-deny. "Uh, this is for you."

Inabot niya sa akin ang flowers.

Napatingin ako sa mga petals, tapos sa kaniya. "H-ha? Sa akin?"

Ngumiti siya, nagkamot pa ng batok. "Yeah. I just thought. . . you deserve this."

Narinig ko agad ang tawa ni Divina.

"Hoy! May pa-flowers!" sigaw niya habang lumalapit. "Sino 'to, Fely? Kakilala mo?"

Namula ako. "Hindi ko nga alam, e," mahinang sagot mko.

Lumingon ako sa mga kaklase namin—lahat nakatingin, nagbubulungan.

"Wait, wait, wait," sabi ni Divina at pumuwesto sa gitna. "Hold on, mister admirer. What's your name?"

"Uh, Cedric," sagot ng lalaki, nakangiti pa rin. "From 3B."

"Cedric, ha?" tumango si Divina. "And what makes you think you can just walk in here and give my friend flowers?"

"Divina!" bulong ko, pilit siyang hinihila. "Stop it!"

Pero ngumiti lang siya. "No, girl, I got this. Baka mamaya seryoso 'to. Let's see."

Halos hindi mapigilan ni Lily ang tawa. "Divina, huwag kang makialam," sabi niya—pero halatang aliw na aliw din.

Nagkamot ulit ng ulo si Cedric. "Uh. . . I just wanted to give it. I mean, Felianna seems nice."

"'Seems nice'? You don't even know her!" sabat ni Divina. "Excuse me, we have a rule here—bawal ligawan ang member ng 'Walang Time for Men' club."

"Divina!" tili ko—pero too late.

Halos buong klase natawa na.

Napakunot-noo si Cedric pero nanatiling polite. "I'm sorry. . . may club pala kayo?"

"Of course!" proud na sagot ni Divina. "It's a sacred sisterhood—no boys, no heartbreaks, just snacks and mental peace."

Tinakpan ko ang mukha ko. "You're so dramatic."

Kumindat siya sa akin. "You love me."

Napangiti si Cedric. "Okay, okay, no offense meant. Just wanted to show appreciation."