زوجة الكولونيل [ 2 ] COLONEL'S WIFE

Part 26

1101

حسات براسها ترزات فهويتها و جزء كبيير من زينها مشات معاه ثقتها فنفسها بحال شي فراشة طيرو لها جناحها

بانت لو مراتو بدا هادشي كايأثر عليها وعارفها اساسا بحال هاد الامور غايضرو لها نفسيتها
الشيخ فوزي : [ نطق بهدوء و رصانة ] ماغانزيدش عليك ، غانخليك ترتاحي الفرملية كاينة معاك حتى تهدني ونهضرو [ شاف فمرتو ] عائشة

نورة : شني بغييتو عندي شني عملت لك؟؟ هدا خيري؟؟؟ هادشي باش جازيتيني؟؟؟

غواتها وااصل لبراا البييت و الدموع بداو كايجريو من عينيها بلا مايحبسوو وكل قطرة منهم هازة جزء من الألم و اليأس .. ماكانتش الكلمات قادرة توصف باش كاتحس فهاد اللحظة ... الحلم ولّا كوشمار و باش توصل للثراء و تحقق طموحاتها خلصات ثمن باهظ

فلحظة مفاجئة نهارت للأرض وترفعاااات بدااات تنتتتتتف فرااااسها و ضرررب فراااسها حتى خلعاات عائشة مابقااات عارفة اش كااادير ماقااادراااش تييق اش طراا ليها باقا ماقاادرااش تستوعب ... ماقداااات عليييها فرملية لي عياااات تشد لهاا يديييها و وااالو كاتررررجف و تتنخصص والغوات للعاالي لي خلقهاااا

الشيخ فوزي : [ قررب لنورة كايشد لها يدييها ] ماديريش فراسك هاد الحالة ماضربيش وجهك راك غاتوصليه لشي حالة ماتلقاي مادااوي فييه

نورة : [ مرفووووعة ] ا ميييمتي الحبيييبة اجي طلي علياا وجهي مشااااا [ صرفقااات وجهها بجووج يدييين ] اوييييلي وحدييي كيفاااش انولي نخرووج قودااام النااااس و نعتبااا برااا الدااار ا عبااااد الله

الشيخ فوزي : [ شاف فالفرملية بزعاااف ] خرجي عييطي على لي يجي يعاااونك

نورة : [ تجنننااااات و تقهراااات ] وااا ميييمتي يانا شني عملت وفااين سيبت راااسي وا ربيييي رجعوو لي وجهي كي كااان مابقيت باااغا وااالو

خرجات الفرملية كاتجري تم دااخل ساجد بخطاوي خفاااف للبيت لقاها طااايحة فلرض كاتنددددب و غير باه لي شادها اما مو جالسة فوق الكرسي و شااادة فقلبهاا مااعندها صحة اصلااا

نورة : [ بإنهيااار شديييد وحالة يرثى لها ] مايمكننشي هداااا يكون وجهي [ بدااات كاتلمس وجهها و تتحسسو بعدم تصديق ] مااايمكننشي ، انااا انزووولوووو

دفعاات الشييخ فوزي وبداات كاتخبش ديك الطبقة الجلدية الخشنة باغا تحييدهاا علييها وهي مرفوووعة على ارض الواقع جميييع الخيوط العقلااانية تقطعوو لها فهاد اللحظة حتى شدوها لها يديها جوج أيادي رجولية من اللور ... حبببسها على داك الهبال وخلاها كاتفركل فلرض كاتبكي و تغوووت بالحريق و الغضب و الأسى و كلشي تجمع فييها بااغا غير تتحرر من يدييه  

[ الحوار بالخليجية ]

وسط داك النحيب نطق وعينيه مع باه و مو
ساجِد : [ مستفسر ] اش واقع؟؟