زوجة الكولونيل [ 2 ] COLONEL'S WIFE

part 3

عقد حجبانو و عااود زيير على عينيه و عاود حلهم .. ماكانش عاقل علييهم و بحال هادشي ماكانش كايكاپطيه عندو
مصعب : اش كاتخربقي عليا عالصبااح؟ وشمن كادو؟؟

ختيمة : [ حركات راسها شاادة جناابها بيديها ] شمن كادو ياك؟؟ نسيتي دوك الروايح لي كنتي جبتي فاش مرات خوك كانت عاد جاات لعندنا؟؟ قوول لياا غرتي من خوك وعينيك فمراتو و ماديرش لياا السبة بالولاد ا مصعب رااني كاانعرفك

سحّاااتو بلااا وقت حتى ضرب باب الدريسيينغ بيدييه حتى قففففزها من بلاااصتها
مُصعب : واش مخخخك ساط لك فيييه الريييح ولا مالك فهااد الصباح؟؟؟ سامعة راسك اش كاتݣولي؟؟ [ شيير بصبعو لصدرو ] انا غانحط عيني على مرت خويا؟؟؟

خشات يديها فجيب فين كانت خازنة واحد الورقة و كاانت ناوية توريها ليه فواحد اللحظة حتى عاودات دارت بنااقص
ختيمة : نتا ماباغيش الولاد ا مصعب ماضحكش عليا وعلى راسك بهاد الهضرة نتا باغي تعاند خوك و تجيب ليا للهنا ديك البرهوشة ديال خت مرات خوك على قلة البنااات حتى تمشي ليها؟؟

حدر راسو وزيير على عينيه وبدا كايضحك عليها و على ديك الحرقة باش كاتهضر
مُصعب : هادشي علاش شديتي فمرت عِز؟ [ قررب لعندها ونطق بصوت تقيل ] نتي مااعندك غرض ففيروز نتي باغا تفرݣعي علاش باغي نجيب ختها غزلان صغرر منك لحيمة باقا فتيّة قرطاسة عليك و باقي عندها جهد الولاد من هنا حتى ندير العكاز [ بععد علييها وهبطها و طلعها من راسها حتى لرجليها ] اش باقي غاندير بيك نتي؟ لحمك تحفرر ولّا پييرييمي ديك الكرش ساابقاك نافخاااها غير الدواارة هداك هو النفع ديالك فييها مابقيت عارف واش عندي مرا فالدار ولا جايب شي وحدة كانت خدامة فشي منجم ديال الفضّة فسينالوا النهاار و مااطال ونتي لاصقة ليا فداك القيطون و غاا خلييك فييه مغطية ديك الشوهة

ماجاوباتوش كان الصمت هو سيد الموقف عندها فالوقت لي هو غيير مااازاااد سرسر بݣااع لي عندوو تفرݣععع عليها تفرݣيييعة وحدة خاوي فيها ݣاع لي كان خازن عندو

مُصعب : فهمتيها ا بنت الناس؟؟ انا مابيااش غير دراري نتي مابقيتش  لاقي فيك اش باغي مالاقيش معاك راحتي مانا مزوج مانا زوفري ديال راسي صافي فهميها و غيريها ماكتابش نكملو فشي حاجة مابقات عندها معنى [ عطاها بالضهر و مسح وجهو بيديه ] انا دويت مع واليدين البنت دابا شوفي معايا شي حل ماتقجينيش بيك [ ضار لعندها و هضرتو بحالااا رطااابت كايرغبها بطريثة غير مباشرة ] ماديريليش العصى فالرويضة و تشدي الكونطرير طلاقينا خوت نتفارقو خوت بلا ديك شد ليا نقطع لك وتنوضي تقلبي عليا مالين الدار

كانت التعامل ديالو معمرر الكاس من زمااان اما دابا هضرتو غيير مااازااادت فيضااات داااك الكااس حتى ماخلاات لييها فين تزييد تهزز ماقدراتش تزيد دقيقة فداك البيت

خرجات عااطيااه بالضهرر و الدموع حابسين لها فطرف عينيها مع وصلات للكولوار مع هبطو كايتكركبوو فحناكها كي الحجر اما هو حيد حوايجو و دخل للدوش يدوش و يتواݣض