مع وصلو بالضبط للباب مع خرجو من ورا واحد السارية حجرية 3 ديال الرجال كمامرهم كمامر الصربيين صوبو الكانوات [ الفرادة ] مبااشرة لجهة كرش ڤاليريا والرجلين ديال عِز وأوطونييل بحالا كانو كايتسناهم وعكس المرة الفايتة هاد المرة ماكانش الزهر محالفهم فبلاصة مايخرجو 3 ديال القرطاسات يفينيوهم بيهم خرجو 4 و وحدة منهم.
مع خرجات القرطاسة من سلاح واحد فيهم ماختارقااات غير كسدة ريو لي هزز الدقة على باااه لي كان نااوي هو بدورو يهزز الدقة على ڤالييريا و ولدهم و فنفس الثاانية و باقي حتى مابرد فم البيريطا وهما يخرجو 3 ديال القرطااساات وحدة من عِز و وحدة من مرااد والثالثة من سلاح أوطونييل طيحوو بيهم دوك الرجال جُثَث هامِدة .. مليوحين فيهم جوج ميترو وغارق فدمـ/ـهم بحال جياف البهيمة
ماكانش ݣااع عندهم الوقت للهضرة دخلو طاايرييين للدااار و ريو دااخل و شااد بيدييه جهة الكبدة حوايجو تغممسو بالد/م .. سدو الباب موراهم يَدويًّا و ريو غيير كاايسب من تحت سناانو متكي على الحييط و عااصر بيدوو بلاصة الإصابة
[ الحوار بالإسبانية ]
ريو : هادي تالية ضوور بيك دوك ولاد القحــاب ديال صرباااوا [ الصربيين ]
مشا جهة باب الصالون و حط يدو على الپواني حتى كان غايحلها و حبس .. بقا ساكت شحاال كايأناليزي فهادشي ثواني قلاال و نطق عاطي بضهرو ليهم
عِز : معامن معادي؟!
أوطونييل : مع السيسطيم [ حط يدو على الطابلو حدا الباب ] السيسطيم كامل
ضار لعندو كايقلب على الجواب
عِز : و أش درتي لهاد السيسطيم؟
جاوبو بكل هدوء وثبات
أوطونييل : درت لهم لي غايزعزعهم من بلاصتهم
زيير على الإصابة ديالو ونطق بحالا مغدد علييهم
ريو : داكشي لي ماغايديروهش كلابهم
مسح فمو و جمع يدو على شكل قبضة حدا فمو .. ماكانش شي واحد عندو مع العنف لطالما كان لسانو لي كايعننف بنادم ولكن فالضرورات القصوى كان كايحضر العنف بطُرق رااقية كايسيفط مولاهم بموتة ديال البورجوا
مُراد : مد لينا غير عمارة الشارجور يلا طلعنا الفوق غانحكموهم ، غانبداو نصيدهم فيهم كي الحجولة
ڤاليريا : [ شافت فمراد و ريو ] تبعوني تهزو داكشي لي محتاجين
ريو : [ شاف فمُراد ] غايعجبك المنظر ترساانة ديال السلاح لي كاين ماشي غير كارطوشات ديال القرطاس
اوطونييل : انا غانسد البيبان بالكود ماعندهمش منين يدخلو الزاج التحتاني ماكايݣرش فيه القرطاس ونتوما طلعو للفوق ماعندهمش منين يدخلو
كان دااير واحد نظام أمن للدار حااط فييه زبااالة ديال الفلوس باش يحافض على أمن البنات ... دخخل واحد الكود فداك الطابلو سد بيه ݣاع البيبان ديال الڤيلا بحالا حاطها فحالة الطوارئ
أنت تقرأ
زوجة الكولونيل [ 2 ] COLONEL'S WIFE
Action[ الـتـكـمـلـة ] هو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل...
![زوجة الكولونيل [ 2 ] COLONEL'S WIFE](https://img.wattpad.com/cover/374194688-64-k441852.jpg)