زوجة الكولونيل [ 2 ] COLONEL'S WIFE

part 7

فيروز : هادي ADA ولا ADELL؟ يا ربي شحاال فنيييونة ادحماااق [ باستها فحنكها و شافت ففاليريا ] كا كونت عارفة عندك العواول كاجيبت معايا شي حاجة ليهم

ترجمات المترجمة كالعادة في حين ڤاليريا عاودات بتاسمات لها بنفس التكلف بحالا كانت شي حاجة مبرزطاها
ڤاليريا : لا ماشي مشكل مزيان منين ماعدبتيش راسك [ دوزات يدها على شعر بنتها ] هادي ADA

أسماء : ما شاء الله كاتشبه لك

ڤاليريا : [ بتاسمات بلباقة ] هادشي طبيعي راني ماماها [ شافت فبنتها ] يلاه ا ماما سيري تنعسي حتى نجي لعندك

شدات فيديها الخدامة و طلعاتها للفوق مخلياهم يتعشاو على خاطرهم أو بالأحرى عااد معظمهم ناويين يبداو

ڤاليريا : [ شافت ففيروز لقاتها ماكاتاكل ماكاتهز ] ماتخافيش كاينين دي پلا خرين مافيهمش اللحم ماشي ضروري تاكليه

فيروز : الصراحة ما انزعمشي بزاف على شي حاجة عمرني جربتا بالحَق دقدر دقول كانتيق فدوقك [ اشارت لواحد الپلا كان قدام ڤاليريا كانت بانت لها هزات منو و حطات فطبسيلها ] نجرب داك الپلا مدام نتينا عجبك حاجة باينة ايعجبني

أسماء : [ شافت ففيروز ] ولكن واش حلال؟؟

فيروز : المهم ما ايسيفطنيشي لقبر

المترجمة : [ ترجمات لڤاليريا ] خايفين يكون حرام و مدام فيروز حيت عندها تخوف تجرب اي حاجة جديدة فالماكلة قالت غاتولي تشوفك نتي شنو كاتختاري

ڤاليريا : [ هبطات راسها للطبلة و ضحكات بخِفّة ] كاتفكرني غير فراسي فاش كنت قدها

ستأنفات ماكلتها او بالأحرى غير كاتنقب في حين فيروز و أسماء كانو دايرين بحال عبيدات الرما فوق الطبلة فينما تشوف اسماء صاحبتها هزات من شي طبسيل كاتهز منو مع شافتهم المترجمة دارت بحالهم حتى هي ولات حاضية غير مع ڤاليريا الپلا لي هزات منو يهزو منو كاملين ... كلهااا خايف على راسو يتكرمص فوق الطبلة ماجاو فين يتداركو حتى لقاوها حرفيًّااا فورصاات على راسها و تذوقات من ݣاع لي پلا فوق الطبلة

كان صوت هضرتهم و الضحك ديالهم كايتسمع فالبلاصة لي جالسين فيها .. كايتعشاو و شاركيين اللغا فسلام حتى عاودووو سمعو صوت الجري غااادي و كايقررب لعندهم كانو متوقعين تاني غاتكون البنت الصغيرة هي لي مخلية الخدامة موراها كاتجري ولكن هاد المرة بانت المربية لي جات كاتلهت و تنهججج عينييها خارجيين

[ الحوار بالإسبانية ]

المربية : [ كاتنهجج بالجرااا ] مدام ڤاليريااا مداام ڤاليريااا

ڤاليريا : [ وقفات من بلاصتها شادة فقنت الطبلة ] البنات ا پاولا؟؟

° حسات هي و اسماء بشي حاااجة ماشي هي هاديك وحتى المترجمة ماخلاااتش راسهم يضرهم كانت كل حااجة كاتتقال كاتترجمها و فنفس الوقت كانت شااادة فيدييها التيليفون و متبعة معااهم باغا تفهم