زوجة الكولونيل [ 2 ] COLONEL'S WIFE

Part 12

كانت القضية عندهم صعييبة خصوصا الأرضية لي هما عليها ماتابتااش الهليكوبتر غير غاادا و كاتتأرجح فالجو و صوت ضجيج المحركات حتى هما ماعاطيينش داك الكالم لي خاصو يكون اما أسماء كاتحاول تعاون واخا مافاهماهمش اش كايقولو غير حاضية خع رئيسة الخدم وڤاليريا بجوجهم متبعيين توجيهاتها غير كاتبان لك ڤاليريا تزيرااات و بدااات كاتدفع كاتعرف رئيسة الخدم لي قالتها لها

بقاو على داك الحال لمدة من الزمن عاطيااها يدييها تشد فييها و كاتمسح لها العرق من جبهتها في حين رئيسة الخدم مكلفة بالولادة اما مراد و أوطونييل كان همهم هاد الساعة فالبلاصة فين غاايهبطو باش يسعفو ريو حتى خررجهم من داك الهم صوت رضيع حديث الوِلادة كان الميلاد ديالو نفسو فنهار وفاة ختو.

بين دموع المطر الخَفيّة و أشلاء الفرح تولد داك الولد .. رضيع صغير بين يدين وداع ختو ، بكاه كان كايلتاقط فيه نبض الحياة وكايرقد فيه ألم الفقيد فدوك لحظات الميلاد فين طلاقا الفراق ببسمة جديدة كيما كاطلاقا الشميشة و الشتا فعرس الديب

• عـنـدو - فقِسم الطوارئ •

دخلات الطبيبة هازة فيديها مِلف طِبي كاتراجعو و مكونسونطريا معاه

[ الحوار بالإسبانية ]

الطبيبة : [ هزات عينيها فيه ] شنو وقع لها؟

عِز : [ جاوبها بإقتضاب ] طولات وسط الدخان حتى تسممات

حتافظات بالروية ديالها و حنات على فيروز كانت نص نص ماهي فايقة و واااعية ما هي فااقدة الوعي 100% بدات كاتفحصها بفحوصات روتينية و عاودات طالعات على ملفها الطبي بانت لو بحالا واااخدة وقتهااا الكافي

” الوقت “ هداك بالضبط هو لي ماكاانش عندو هاد الساعة
عِز : فوقاش غانخرجها؟!

الطبيبة : [ حاولات تطمئنو و تهدنو ] صبر وماتخافش عليها ماغاطولش هنا بزاف [ سدات الملف وشافت فيه ] ولكن مزال خاصني نزيد نفهم كتر ا مسيو شنو وقع معاكم واش هاد البلاصة لي تحرقات كانو فيها شي مواد كيماوية ولا كان شي تسرب ديال الغاز؟

عِز : ما شمات كيماوي ما طلع معاها ݣاز الݣاز هو لي غايطلع لي انا معاكم [ سخطااااتو بداك تسوال لي ماشي بزاف اساااسا ياش جاوب عليه خيتي لي كانت معاه قبل منها شاف جهة داك الضوسي لي فيديها ] داك الزابور ݣاع لي عرضت على الفرملية ماقيدات منو والو؟!!

شافتو ساااخط توقعات يكون غير مصدوم من الحالة لي فيها مراتو من الستيل ديال لباسو ولباس فيروز عرفااتو سائح
الطبيبة : غير جلس و تهدن ماغايوقع لها والو يمكن الفرملية تلهات و ماقيداتش ليا كلشي بليديطاي مراتك ماغايوقع لها والو ولكن تعاون معانا كيفاش حتى وقع هاد الحريق؟ واش كانو شي مواد كيميائية شماتهم؟ احتمال كبير يكون عندها تسمم غازي