زوجة الكولونيل [ 2 ] COLONEL'S WIFE

Part 29

1116

                  [ الحوار بالإسبانية ]

لانيسطيزيست : ماتنساش راسك فين كاين

الجو ولّا بحالا ضاربينو بسلك ديال الضو .. واحد كايبان لو الثاني ساب ونسا راسو ولاخر كان حبة درمل تبني لو جبل بالأعصاب هاد الساعة بالذات

قرب لعندو كترر فصمت قاتِـل حتى تقابل معاه و حط يدو على كتفو بلا مايزحزح عينيه من عينين لانيسطيزيست .. جمع قبضته مكممش بيها حوايجو ناوي ليه علييها الليلة يبيتو كومة وفينماا بغات توصل لربها توصل ، غمض عيينيه كايكالمي فراسو كايحاول يتعقققل و يفيكسي فيه ديك الفكرة ديال للضروورة أحكام ولكن كون جات علييه وعرفوو كاين تما ماغايبقااوش أحكام غايولي حكم واحد يا يجيبو بلاصتو شي وحدة يا يردها معاه فتابوت للمغرب ولكن تصييييد وكون غير ماقالش هادشي للطبيبة اللولة و أصرر عليها واااخا.

خدا نفس عميق زاد كممش ليه حوايج السيد بين قبضة يدييه طافي ودنييها على صداع هضرتهم كايتسمع فودنيه غير واحد الصفير بحال صفير الإنذار حتى حل عينيه و مع رخف قبضة يديه دفعها لانيسطيزيست و يلااه جا بغا يهضرر و هما يبانو ليه الرجال ديال عِز جايين حتى هز اليد الثانية وقفهم بيها بلا مايبعد عيونه السود عليه

حط يدو على كتافو وبدا كايسررح تكامش لي كمشهم ليه بقبضة يديه ونطق بصوت هادئ مُفاجئ..!
عِز : ماشي مشكل

تلفت لعند الدكتورة لي كانت كاتحاول تبرررد الطرح وعينيها غيير مع الرجال لي دخلو كان العدد ديالهم فايت عدد رجال الأمن فالكلينيك ... من ديك القشلة ديال الرجال لي دخلو  عرفات بلي لي عندهم فالبلوك ماشي شي سائحة عادية ... القضية بانت لها غااتحمااض ولا ماتسداتش غاتصدق مختومة فالكلينيك بشي بطانة طايحة وماغاتكون غير ديال الزميل هاد الأخيب لي حتى هو طمررها ومازاادش دوا خلاها منها ليه

شافت فيه وحاولات تبرررد الطرح بكل رصانة و ثبات وتتفادى شر هادو لي بانو لها شي عصابة من العصابات لي هنا
الدكتورة : مالقيناش لي يديبلاصيه فهاد الوقت , فاهمة الموقف ديالك ولكن [ نعتات للزميل ديالها بيديها ] كان مراقب غير المؤشرات الحيوية ديالها حاليا ماشي هدا هو المهم ، المهم هو صحة مراتك واخا حبسنا النزيف الداخلي حالتها باقا مامستقراش

عِز : علاش اش باقي عندها؟

الدكتورة : هاد 24 ساعة هي لي غاتورينا شنو غايكون عندها نظرا للاعتداء لي داز عليها كايبقى هادشي متعلق بنفسية المريضة

عِز : زيدي وضحي

حاولات تعطيه أدق التفاصيل على حالتها
الدكتور : يقدر دماغ المريضة يطلق واحد الميكانيسم دو ديفونس [ آليات الدفاع ] مايخليهاش ترجع للوعي باش يحميها من شي صدمة خرا ولا من الواقع ديالها نفسو ايلا كان كايأذيها ، على أي هادشي غايبان فهاد 24 ساعة الجايين ، هاد الساعة غاننقلوها للعناية المركزة