زوجة الكولونيل [ 2 ] COLONEL'S WIFE

Part 49

1216

فيروز : [ جاوباتو بدون تردد ] مابيناتنا والو

عز : [ صوتو مهددن لأبعد الحدود ] ولكن ݣلتي كانت بيناتكم

فيروز : [ هزهزات راسها ] اه كانت بيناتنا الخدمة

عز : [ حك حاجبو بلا مايزحزح عينيه عليها ] نسيتي اش عاودتي؟!

مشا بالها ديرييكت للتماتيل
فيروز : [ بتخوف و حذر ] شنُّو هاودت؟؟؟

عز : [ ببرود ] شوفي نتي انا لي كانسولك

حاولات تفكر اش قاالت بالضبط ياكما فلتات لها شي حاجة ماعقلاتش عليها...!!!!
فيروز : [ قوسات حجبانها كاتحاااول تعصر راسها ] ماعقلتش

عز : عـاقلة [ شد من عندها الكاس ردو لبلاصتو بلا مايزحزح عينيها من عينيه ] غير جوان هداك ماشي المكيّة

عيات تعصر و تـتـعصر ولكن الراس حاابس والعقل قالها سيري حتى لمور الفطور دابا شاد الپوز .. دخخخل ليها الشك بزز فشي قطعة مفقودة هي ماعاقلاش عليها
فيروز : [ جمعات يديها بين فخاضها مابغاتش توريه توترها ] ماقولت لك والو

عز : [ بتأكيـد و تشديد بهدوء تام ] ݣلتي بزاف

حسات بوتاد الشك تدݣ فييها .. ماقدراتش تزيد تبقا فديك البلاصة فين محاصرها بعينيه ، ناضت من حداه حااسة بعضامها مدݣدݣيين عليها .. حتى بغات تعطيه بالضهر وهو يوقفها تهضر معاه كمارتها فكمارتو
فيروز : اه [ رجعات لداك المجر هزات الكاس كاتشرب منو ] هاودت لك عالخدمة ويمكن قولت باغا... [ سدات عينيها و جاوباتو بصراحة تامة ] كونت باغا نهرب وعلى... [ شدات رقبتها بيدها الهضرة خاانقااها ] وعلى كيفاش تلاقيت بـ بـ [ بصوت قريب للهمس ] بـرائد

قلبها لعندو و حط يدو على كتافها بجوج .. هبططهم مع دراعها ماوقفهم حتى لحزام البينوار بدا كايقاد لها فيه مهددن و مبرررد
عز : [ مهبط عينو للحزام ] عاوديلي عليه

ضربات الطمم وحلفات ماتجاوبو عرفاتو باغي ينوض ليها .. عرفاااتو باغي غير منين يدوز ليها ، حاسة بملمس السمطة على جلدها و هي باقا مانطقات بحتى شي كلمة .. كيفاش واحد ماكايخليهاش تجلس حتى مع خوه كايقولها دابا تعاودلو على راجل خور و فوجهو

عز : [ شدد على هضرتو وباقي مبرررد الطرح ] كانتسنا

فيروز : [ زيراات على الكاس فيدييها وبعدات عينيها عليه ] كنتي قولتي لي فالباطو ماش تنسا هادشي كلو

عز : [ زير لها الحزام ] وماكدبتش

حدرات عينيها على يديه مزييرة على سناانها و عاودات هزات عينيها فيه مجاوباه بالحقيقة
فيروز : ماكان عندي تا حاجة خرا نزيد نقولا ليك كانت جامعانا انا وياه الخدمة وماين فتشتي و سقسيتي عليا فتاونات كامشيتي سقسيتي غير مول الكتوبة هو ايقولك شني كونت كانقوليه