زوجة الكولونيل [ 2 ] COLONEL'S WIFE

Part 43

1186

• وقف قدام الباب كايحل فيها و صوت الخطاوي صغار جايين كايجريو فالكولوار واصل ليه لودنيه من لداخل ... مع كل الباب لقا بنت ختو واقفة كاتتسنا وتطل على شكون جا ... واقفة بوقفة باينة فيها نيييت مامرتاحاش ، كانت مطلوقة كترر مع مُصعب عزيييز عليها ديماا مهلي فيها بالكادوات و السقاطة وختيمة من نهار نهارها وهي تراري بييها ولفها ليهم  كان كبير عكس عِز ماكانتش مطلووقة معاه كانت نوعاً ما كاتحس بالرهبة من جيهتو غير كايريح معاهم فالدار كادير عقلها ... ماهضرها دابا غير إشتياقها للأب ديالها

[ الحوار بالريفية ]

إيناس : [ بصوت طفولي ] خالو [ بتردد ] واش بابا مزال ما ايرجعش

سد الباب موراه وتحرك ناحية ديك القزمة .. جلس جلسة القرفصاء قدامها كانت حادرة راسها على واحد المونيكة فيديها مستأنفة هضرتها ببراءة و عدم ادراك
ايناس : قالت لي ماما ايلا مات بابا نتا و عمو مصعب اتكونو بلاصتو حتى يجي

هز عينيه فيها كانت دايرا ݣرينات وملبسينها واحد الكسيوة ديال البنيتات الصغار .. بانت ليه شي حركة فشكل جهة الباب الدخلانية كانت مريم لي واقفة بحالا باغا تنبهو باش مايقطعش الياس للبنت فباها يخليها مع الوقت وليام حتى تولف الغياب ديالو و تعرف باها مات ... كانت دايرا بحساب بنتها متعلقة بباااها ولكن هو كانت عندو وجهة نظر خرا .. الكدوب الواهي بأمل بائس بلاصة صدمة وحدة غايعطيها جوج صدمات اللهم تتعطا لها من دابا ماحدها صغيرة

عِز : [ هز بنت ختو فيديه وتم غادي للداخل ] بّاك ماغايجيش ولكن كاين انا

إيناس : [ هزات عينيها غير من للتحت للتحت باقاا ماقادراش تتطلق معاه ] علاش مابقاش ايجي بابا؟ قالت لي ماما مع الوقت ايجي [ ضارت لعند ماماها شافت فيها بعبوس ] واش ا خالي ماما كدبات عليا

ماجاوباتهاش مها ... مشات للكوزينة و خلاتها منها لخالها هو يدخل ليها ديك الهضرة لراسها مدامو حل حل داك الموضوع.

مشا بيها لجهة واحد الشرجم كان محطوط فيه واحد الغرس موررد بالورد وجلس فالصالون هزو فيديه وجلس فالصالون مجلسها فحجرو
عِز : [ بالهداوة والخاطر ] قراوكم على البذرة ولا باقي؟

إيناس : [ حركات راسها بالنفي ]

طلق منها و شد داك الغرس بجوج يدين
عِز : هاد الغرس النهار اللول كان غير حبة صغيرة

إيناس : [ شداتو من عندو معنقاه وهي كاتهزهز براسها بݣريناتها ] و انا وخالتو ختيمة بقينا كنسقيوها

عِز : عطيتوها الما والخاطر تا كبرات و زيانت

عاودات هزهزات براسها وهزات راسها حادرة عينيها على دوك الوريدات و كاتشم فيهم
عِز : ولكن سنة الحياة هي هادي شحال ما دوزات كايجي داك النهار فين تدبل وتغبر تحت لرض تهليتي فيها ولاماتهليتيش