زوجة الكولونيل [ 2 ] COLONEL'S WIFE

part 8

عطاها الما تشرب و تحرك جهة الزاج لي كان كايطل على الجردة كايحقق فالأرجاء كانت الدنيا بحالها بحال كي جا بااقا مطوقة بالرجال .. هاد المسألة ديال الإخـ//ـتطاف ككل مابغاتش دخل ليه للراس .. خرجو من داك الهدوء صوتها

فيروز : [ حضنات الكاس بيديها ] قبيلا خروجت من الصالون حِقّاش ديك المترجمة كانت كاتصرد الميساجات لشي حاد فالوقت لي جات المربية قالت لڤاليريا بناتا خرجهوم شي حاد

غمض عينيه ورجع حلهوم كايكالمي راسو
عِز : وانا أش ݣلت لك فاش تشوفي شي حاجة ماشي هي هاديك

فيروز : [ حطات الكاس حدا الأباجورة ] ماجبرتشي كي نعمل كونت...

ضار لعندها مقااطعها
عِز : اسماء لقات ونتي مالقيتيش؟!

فيروز : [ ناضت من بلاصتها كاتفسرر ليه ] مابغيتاشي تعيق قولت لك شوفتا بعينيا ادهضاار مع...

قاطعها قبل ماتكمل اش بغات تقول
عِز : كانت كادوي معانا [ قررب لعندها ] اش وقع لك حدا دروج؟! [ تفحصها بعينيه عَن قُرب بانت ليه عاد رجعات فيها الروح

ماعرفاتش علاش اساسا تفاجئات؟ اساسا اي واحد كايجي من جيهتو خاصها تكون متوقعة غايبقا معاه على تواصل

حدرات عينيها على التيليفون لي فيديها و عاودات هزاتهم فيه
فيروز : عادي ديكشي ولفتو فاش [ك] ادخلعني شي حاجة ماموالفاهاشي ولا [ك] انخاف بزاف من شي حاجة ما [ك]انقدرشي نتنفّاس [ مدات لو تيليفونها ] يمكن المُترجِمة ضلمتا بالحَق المُربيّة ماضلمتاشي هنا اتجبر علاش كونت هاربة

شد من عندها التيليفون و مع حلو خرج نييشااان فالتصويرة لي صوراات مضروب فيها الفلاش .. كانو فيها 3 ديال الرجال و مرا و حداهم 6 ديال الخناشي .. بدا كايزومي كترر و كتررر حتى تفرزوو ليه ملامح المُربية اما تا باقي ماعرفهمش فوجههم

عاودات لو اش وقع معاها بليديطاي من فااش خرجاات حتى لفااش كان تابعها واحد منهم باغي يشدها
عِز : واش كان تابعك ولا تخايلك؟!!

فيروز : ماتخايلشي ليا مالي مريطة نتخايل واحيد تابعني ونخلع راسي؟

حط يدو على جنبو من تحت الفيستا و مسح لحيتو بنرفزة كان داير فبالو غيير يلقاها و يهزها هي و اسماء بالطوموبيل يديهم لشي بلاصة مأمنة عاد يعاود يرجع ولكن هاد الساعة مابقاش متأكد 100% من هادشي بحالا بداو كايراودوه شي شُكوك فواحد الأسلوب لي حتى هو فايت ليه عتامدو شحال من مرة ولكن لحد الساعة ماكان حتى شي دليل

خرج هو وياها من تما و مشاو نييشان لفين كاينة أسماء و المترجمة لقاهم جالسين ب3

مُراد : [ هز عينو من البيسي ] خاصك تشوف شي حاجة ضروري

عِز : داكشي علاش جيت جيبو واجي [ شاف ففيروز ] غانعاود نوصيك؟!

حركات راسها بلا و مشات لعند اسماء و المترجمة في حين مراد ناض لعندو سادين الباب موراهم