1221
وسط الليل وتحت سما حمرا بالغيوم بحالا شربات من كاس الدم لي غايسيل هاد الليلة قبل مايسقيو بيه لرض كانو الطوموبيلات مبلاصيين فطريق مضيق ضاير بيهم شجر الخروب كاتسمع فالزاج والحديد غير صوت الشتا البااردة لي كاتصب ... اصوات خفيفة لورق الشجر كاتحرك تحت رجليه و صوت خفيف للريح كايتلاعب بأغصان الشجر ... الجو باارد وحسن عوان المسكين فهاد الليل
” نضينا الأمور مع خوك فاش كنتي مسافر الكولونيل وفكيناها بلا تخصار الخواطر “
تسمع صوت ذكوري خشن باين مولاه شبعااان طاسة ... كان جا هو و 4 خرين معاه صاحبو راكب حداه و جوج كانو صايݣين الكاميو ديال السلعة لي جايبين معاهم
” كنا كانتسناوك غير نتا تجي ترجع سلعتك “
كان واقف بلا حراك قدام الضواو الباهتين ديال الطوموبيلات وطـــالق ودنيه معاهم .. جا ومافاتش جوج ديال الناس لي جايب معاه وتالتهم موحا
دوز يدو على ݣادومتو و قلب وجهو للجنب الثاني عينو مع شجرة من شجر الخروب و عقلو مشا لشخص واحد من ورا هضرتهم
عِز : [ دوا مع راسو ] مُصْعَبْ
” وصلاتنا الخبار هاد اليامات القضيّة عندك مزيـرة طلقتي من الكولومبيين [ شاف فصاحبو ] خاصك تعمر الديبوات دي سلعتك غاتنفعك وحنا نديو فلوسنا “
نطق التاني كايأيـد لي معاه ” نتا ماغاضيعش فسلعتك وحنا ماغانضيعوش هاك السلعة و رد لينا الفلوس “
نطق حتى خرج نفسو سخون بحال شي خيط ديال الدخان فداك الجو البـارِد
عِز : واخّـا.. [ بهدوء ] نرد لكم رزقكم [ هبط عينيه للبروطكان ديالو كايدوز يدو على لحيتو ] عندكم التوصيل؟!
شاف اللول فالتاني مافاهمينوش علاياش كايدوي من فوقاش السلعة اصلا كاتكون بالتواصل ولا شي ريسيبو؟؟ ماجا فين يجاوبو حتى سمع الجواب من عندو هو نييت
عِز : [ بنظرة باردة وساخرة ] لا ماعندكومش [ شبك يدو مور ضهرو وفالبلاصة حط ليه موحا فيها شي حاجة بااردة ]
تحرك لجهة دراري لي مكلفين غير بالشارج كايهضر و كايحرك فصبعو بحالا كايعطي التعليمات
عِز : ماشي مشكل الديفو فيا حيت عمرني عطيتو لكم
جر واااحد عندو فحركة خفييييفة من الكول خشا لو البروطكان من ورا الركبة حتى ركككعو اللرض قدامهم و دوووز عليييه بوااحد الساطورا تحت عينييهم ... العيين فالعيين ، مع واحد حط يدوو على السمطة بحالا ناوي يجبد واحد البيريطا فلحظة إنفعال وهو يشدو صاحبو مامخليهش يلوح راسو للتهلكة فعملية إنتحـا//ريّة
” مول الشي ماغايعجبووش الحال وماتسناااهش يسكت على هادشي “
بقااا كايحرررد فدييك الكسدة حتى فرق علييها الراس شدو فيديه و ضرب برجليه الجثة بحال شي قمامة و زطم على ضهرها بصباطو
عِز : [ لاح لواحد منهم الراس بحالا مپاصي لو شي بالون وقال بصوت هادئ ] دابا عندكم التوصيل للسلعة الجاية
أنت تقرأ
زوجة الكولونيل [ 2 ] COLONEL'S WIFE
Action[ الـتـكـمـلـة ] هو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل...
![زوجة الكولونيل [ 2 ] COLONEL'S WIFE](https://img.wattpad.com/cover/374194688-64-k441852.jpg)