زوجة الكولونيل [ 2 ] COLONEL'S WIFE

Part 56

× على وقع صوت خوها فالمرح والصالوناات وهو كايغووت لموحا باش يشد... ... خرجات مريم من صالة العيالات عيااانة ومخلوووعة قلبهاا تزييير علييها حااسة بشي حاجة ماشي هي هاااديك ... وجهها صفرر هاد الربعين غير مازادت حلات لها الجرح وفكراتها فالمرحوم لي ماشافت فموتو غير حوايجو عامرين بالدم والمحمل هاازو مخرجو ... الجووقة ديال العيالات والهارااج مووراهااا كايطلوو من باب الصالون وهي عينيها كايقلبو غير على خوها حتى بان ليها عاطيها بالضهر وكايجري للدروج ... ضهرو مطببع ببقع خفيفة حمراء متناثرة وكايبان بحالا هااز شي حاجة مع ضاارت مع دورة الدروج طالع كايجري وهي دلاا من دراعو يد صغييرة

رجعات باللور حاطة قلبها على صدررها
مريم : [ بصوت متقطع مامسموعش ] ايـ.. ـنا س

واقفة فباب الصالون شوية بان ليها بنادم كايتجاارا فالمرح
الحاجا هنية : ياربي تلطف بيناا اش وااقع؟؟؟

قلبها ما هناها ... حسات بشي واقعة وااقعة ماجات فين تعيط لوحدة من السربايات تعطيها الخبار مقادة حتى بانت ليها مريم كاتجري وعينيها معلقيين فالدرووج مابقااتش كاتشوف قداامها ولا كاتسمع شي حاجة كادور بييها ... تااابعة خوهاا و قلبها غاايخرج من بلاصتو كلشي كايسول مالها ... القيل والقال كترات والفوضى فديك الصالة ݣدات بحال شي فتيلة لاحوها فالتبن كلها كايلغي بلغاه شي كايقول المرا غير مات لها راجلها وهترات وشي طاح لو فالودن هضرة البنت صغيرة وقعات فيها الواقعة اما فيروز ماتحركاتش من بلاصتها لي بغا يشرق يشرق ولي بغا يغرب ها الطريق ... داك الهارااج ماخلاها تسمع والو ولكن كان باين فيه شي موصيبة طرات واخا ماعارفاهاش

هادي هي الدنيااا نهار كاتبكيهم دم حتى حد ماكايجي يفرقهم معاها علاش تفرق معاهم نهار تجي نوبتهم؟ لي عندو شي ضهر يهز بيه تقل مشاكلها كيما هازاهم هي ... بدات كاتصايب فشالها وعينيها مع ختيمة بانت ليها صفاارت بالخلعة بحالا سمعااات شي خبااار ... خرجات من ديك الصالة كاااتجريي وقلبها غايخرج من بلاصتو مع لحقات للدروج تبعااتها هنية ... كانو العيالات والبنات معرررميين قدام باب الصاالون شي مخلوع على روحوو باغي يخرج وشي باغي يمشيي يسول يشوف اش وااقع اما هي يلااه جات تتقاد فالجلسة فوق سداري حتى يرجعو على خاطر خاطرهم لبلايصهم عاد طلع فيحالاتها وهي تبان ليها محجوبة وسط المجمع عوجات راسها اللور وبحالا كاتقلب على شي حد محدد حتى بااانت ليها جالسة فوق السدااري جالسة وماعلابااالهااش بيهم ... شافت فيها بوااحد الشووفة ماعرفات فين تحطها ولكن كانت كفيييلة تخلييها تحشم على عرضها واخا مادارت والو ... ناضت ست الحسن و اخيرا من فوق السداري ومشات لديك الجوقة كاطل تشوف اش كاين بانو ليها جوج بنات وحدة تكون فأواخر العشرينات و وحدة و فمنتصف الثلاثينات واقفين قداام الصااالون مانعيينهم يخرجو وكايحاولو يهدنوهم بلاا ماااتنووض الفوضى ... صوت الطبلة حبس ولا كايتسمع غير الهضرة مخلطة جهة صالون الرجال وعندهم