زوجة الكولونيل [ 2 ] COLONEL'S WIFE

Part 18

تحلات الباب الدخلانية و دخلات منها بنت فريعان شبابها بشعر أسود و عُيون زرقاء بقوام ممشوق جااايبة الزيين وكاتدي فالملامح لدايان غير الفرق بيناتهم وحدة كانو تعابيرها ديما ضاحكين وهادي كانو عينيها ذابلين برموشهم بحالا غارقة فحُزن عمييق على ماصاب ختها .. مع شافتها زاراي عبساات و حلات يدييها ليها معنقااها كاتصبرها و تواسيها كانت باينة بيناتهم واحد المحبة والألفة

بقات واقفة كاتبحلق فيهم مربعة يديها بانو لها بحالا كايعرفو بعضيااتهم
أسماء : [ تنهدات ] يحسن عوانهم مع كية البنت قاصحة عليهم

مُراد : [ طاحت عينو فعين كاميلا ] مادايراش هاد الحالة على أديل [ شاف فأسماء ] ختها دايان فالكلينيك وموحال واش تنوض منها

أسماء : [ عقلات عليها من شي هضرة ترجماتها لها المترجمة ] اه هادي هي لي سمعت ختها ناعسة فالسبيطار

تمات جاية لعندهم وكان بااين فيها مهرسة من جهة ختها مع وصلااات لعندهم و قبل حتى ماتقول ليه يطلب الشفا فبلاصتها و بدون سابق أي إنذار بانت لها عنقااتو بحُزن عميييييق مسكينة .. ماعرف بااش تبلاا

كاميلا : [ حطات راسها على كتفو و نطقات بالإسبانية بصوت بااهت ] دايان بين الحيا و الموت ا مراد

مُراد : [ حط يدو على درعانها بجوج مبعدها بشوية وقابلها معاه ] ماعندك ماديري هادشي نهار نغفلو عارفينو كايساينا

جاو لحداهم زاراي و ريو و فنفس اللحظة بعدات عليه كاتمسح اطراف عينيها بأطراف صبعانها بلا ماتجرحهم بضفرانها
كاميلا : [ بالإسبانية ] عرفت ا مراد مي صعيبة مانقدرش عليها [ جمعات يديها مغطية وسط وجهها ] دايان هي لي بقات ليا مانقدرش نتصورها مشات

ريو : كاتصعبيها على راسك بحال والو توصلك خبارها اليوم ولا غدا قصحي راسك ا كاميلا

كانت واقفة حداهم و بحال ديما مامقشبلة وااالو غير كاتشوف بعينيها من الدخلة بانت ليها سلمات على ريو و زاراي و تبعات ليه مراد ولكن هي كانت بحال شي وحدة غير مرآية غير مراد لي حاس بيها كاينة .. كانت كاتسكت داك الشيطان الوسواس بهضرة وحدة ” السيدة ختها بين الحياة و الموت عادي مايكونش عقلها حاضر “

مُراد : [ حط يدو على ضهر أسماء ] كاميلا هادي مرتي أسماء [ شاف فأسماء و قلبها للدارجة ] وهادي خت دايان نئيڤيتيو حنا دوك المشاكل لي غايجيو من بعد كانت فواحد الوقت معايا وكاصيت معاها

أسماء : [ بتاسمات ليه بتكلف ] ماكاين مايوقع بالعكس عادي حياتك هاديك [ مدات لها يديها ونطقات بالدارجة مبتسمة بتكلف ] ولهلا يوريك الباس فختك بالشفاء العاجل ان شاء الله

ترجم لها مراد اش قالت و هي بدورها سلمات عليها ولكن سلامها ليها حساات بييه ناااقص و بججهد .. ماكانتش اسااسا كاتتوقع شي حاجة كتر من هاادشي إحساس كان مُتبادل و مافهماتش اساااسا واش هو عندو عاادي هادشي و واش اصلااا عادي وهي لي منها المشكل منين ماعجبهاش الحال يعررفها بصاحبتو القديمة ولا هو لي منو المشكل