زوجة الكولونيل [ 2 ] COLONEL'S WIFE

Part 33

1136

كان خاصها تختار إختيار من 2 هاد الساعة لا ثالهم .. يا تمشي لصف الجانب الصحيح مدامهم دخلوها لهاد المعمعة سوا صفو سوا صف العدو لي دايرين على ودو هاد الإجرائات الإحترازية كاملة .. يا ترفض و تخليها هكاك و هي و زهرها .. يا تفلت منها يا غايطيح عليها شي باطل يسالي بيها يا فالحبس يا فالمقبرة كَمقتولة أو كَفرد من عائلة الميت و لِصراحة هي ماكانت كاتفضل حتى واحد فهادو.

عوجات عنقها وبدات تدلكو ببطء وهي سادة عينيها ... بزز باش لقات الوقت تطل على صديقها دييغو وتشوف حالتو ، بين ليلة و ضحاها لقات راسها مفروق على 3 - عائلتها لي حاولات توصي عليهم بعض المعارف و مرة مرة كاتصوني عليهم تطمئن على حالتهم - دييغو و الحالة الحرجة ديالو - و اخيرا فيروز

النشأة ديالها فهاد البلاد وخاصةً فالسيكتور منين جات خلاتها يقظة الشيئ لي خلاها حاطة هاد الساعة جميع الإحتمالات قدام عينيها.

هزات عينيها فداك الركن فين كان واقف وهي كاتفكر فالرياكسيو ديالو فاش غاتعطيه الأخبار الأخيرة على حالة مراتو وبحال ديما قبل هي ماتحتاج تمشي تسول لقاتو جا لعندها كايتسنا فشي خبار جديدة , تقدمات ناحيته بالطابلية البيضاء ديالها خاشية يديها فجيبها مع وصلات لعندو جبدات يديها .. كانت الحاجة المزيانة فالتعامل مع هاد الناس هي ماكاتحتاجش تفكر فشي طريقة ترطب بيها الهضرة باش تتفادى تهرسهم بيهم

جبدات ملف طبي حلّاتو و شافت مباشرة فعينيه
الدكتورة : سينيور بلحاج غانكون معاك صريحة فالحالة ديال الزوجة ديالك

شافت فيه لقاتو هزهز ليها براسو بحركة خفيفة بمعنى كملي

الدكتورة : الحالة لي وصلاتنا بيها الزوجة ديالك بغض النظر على الوقت لي دوزات وهي فحالة نزيف داخلي العملية كانت ناجحة ولكن من مور مادازو سوايع على العملية مراتك دخلات فحالة غيبوبة 

شد من عندها داك الملف الطبي ونطق بلا مايهز عينو عليه
عِز : منين خرجات هاد الكوما؟ العملية ݣلتي دازت بيخير ماطرا فيها والو

الدكتورة : [ صححات ليه بأسلوب عملي ] لا المشكل ماشي فالعملية ، الغيبوبة ماكانتش نتيجة مباشرة للجراحة ولكن الزوجة ديالك تعرضات لصدمة جسدية و نفسية شديدة نتيجة الإعتداء والضرب لي تلقّاتهم ، الجسد ديالها دخل فحالة صدمة نفسية حادة [ شوك پسيكولوجيك ]

عِز : مافهمتش

شدات من عندو الملف ديال حالتها وحاولات تزيد توضح ليه بشي طريقة يفهمها واحد بعيد على مجال الطب
الدكتورة : لي خاصك تفهم ا سينيور بلحاج الجسد والدماغ ديال الزوجة ديالك فحالة دفاعية هاد الساعة مامتقبلينش نعالجوهم يمكن هادي طريقة ديال الجسم ديالها باش يحميها من الألم و الإجهاد وماتتعرضش لشي صدمة خرا هادشي كنت حاطاه بعين الإعتبار منين تعطلات باش تفيق [ سدات الملف ] حنا هاد الساعة كانراقبو حالتها العصبية بتخطيط كهربية الدماغ [ إلكتروأنسيفالوغرام ] وكانقلبو على أي إشارات تدل على نشاط دماغها