زوجة الكولونيل [ 2 ] COLONEL'S WIFE

Part 36

1151

× كان سماعيل واحد السيد لي جامعاه بيه الخدمة مرة مرة كايشركو شي كاس فشي قصارة .. ماشي شي صحبة نيييت ولكن موتة بحال هادي مابغاهاليهش

تحرك من حدا داك القبر يضبر على باش يحفر القبرر ، مابغاش يزرب فالخاوي و يقولها لعِز ولا شي حد حتى يتأكد 100% اما قبر بنت آل أوسوغا تحفرر ولكن فبلاصة مايتلقا شي جثمان ولا رماد لقاو غير تصويرتها .. كان هدا هو الخبار الوحييد لي زوين هاد الساعة ، ولا كان هادشي كايعني شي حاجة كايعني حاجة وحدة ” الرجال لي جاب فيليكس معاه وحاضيين الدار و المقبرة ديال العائلة لي جاية فالجردة اللورانية كانو دايرين خدمتهم و كترر “ بمعنى الدار بحال شي مدرعة حالياً.

× تم خارج من الروضة و مع الهزة ديال راسو ماطاحت عينيه غير على واحد الراجل ضارب واحد الطربوش ديال الفيدورا كلاسيكي هاز فيديه بوكيه ديال الورد على ماكايبان جاي يزور شي واحد .. شاف فيه بطريقة عاديّة و عاود السيد حدر راسو للساعة شوية بحالا صونا عليه التيليفون واقيلا.

صغرر عينيه فيه شويية باغي يحقق حاس فيه الدورة ديال وجهو وديك اللحية الرمادية الخفيفة ببشرته القمحية بحالا دييجا شافهاا فين شافها فيين فييين...

عطاه الشخص بالضهر بحركات شخص عادي مامسطريسيش وماكايجيبلكش حتى الشك .. بدا كايتمشا ناحية الطوموبيل فهدوء... حتى للهنا كان كلشي عادي لي ماشي عادي هو البوكيه ديال الورد لي نورمالمون جايبو للمقبرة باش يحطو على قبر...! علاش رادو للطوموبيل...!!! و ناوي يتحرك؟؟

كانت هاد المسألة فكفة بووحدهااا و مسألة هويّة الشخص بحد ذاته كفة بوحدهااا .. حدوو ركب الطوموبيل قلب المرايا وديمارا الطوموبيل ناااوي يعفططط عفطة الفيرااري فالروڤر .. تتسمع صوت زئيرها خلّا يد مراد تمشي دييرييكت ليد الكانو ماجات فين تخرج من داك الشارع الكولومبي حتى تتسمع صوت مُدوي لـ3 ديال للقرطاسات تيرااهم فالروايض ديال ديك الطوموبيل فرق بيه الناس كي ولاد الحجلة كلهاا فين عطاا بالرااس عااررفين تالية القرطاس فهاد البلاد باش كاتسالي .. ما عدا رجال فيليكس  لي مع سمعو صوت القرطاس اليد تحطات على السلاح و بدات التشكييلة كاتتشكل فتشكيلة بحالا كانو بحالا حافضينها عن ظهر قلب .. النص مشا يشوف اش كاين و النص مشا لعند فيليكس بهدف الحماية

هز راسو للسما بانو ليه الطيور تفرتكووو بحالهم بحال عباد الله و بالضبط كانو هاربين من الجانب الأيمن من باب المقبرة لي كان نفسو جايين منو رجالو و بلا مايتكلف عناء يجبد السلاح هز راسو الداكن موجه السؤال لواحد من الرجال ديالو بثبات 
فيليكس : شكون تيرا فشكون

- [ واقف بالنص عاطيه لفيليكس و النص عاطيه للجهة لخرا و هو فأهب الإستعداد ] خرج القرطاس من عند سي مراد

ريو : [ شارجا السلاح ديالو ] علامن؟

- على واحد الطوموبييل [ شاف ففيليكس ] كان تابع شي واحد