زوجة الكولونيل [ 2 ] COLONEL'S WIFE

Part 52

1231

حتى مدات يدها باغا تحل الريدو وهي تتراجع .. حدرات عينيها للجدران الفاصلة بينها و بين غرف تغيير الملابس ، هبطات على ركابيها بلااا ماتطلق الحس باغا تبدل القنت لي شاافوها اكييد دخلات ليه ونعسات على كرشها بلا ماتطلق الحس ... كانت كاتسمع صوت الحركة على برا .. صوت الخطااوي بااقي شي حد كاين و كون كان مراد كون راه جا طل علييها .. دازت للغرفة التانية من تحت الفاصل كااتزحف قااطعة الحس و فاضحينها طرطقات عضام ركابيها ... مع بغااات دوز للغرفة التالتة و هي تبان لها جلسة ديال الدم وشي كسدة ضخمة طايحة .. حطات يدها على فمهاا كاتمة شهقتها و صوت انفاااسها و غمضااات عيينييها ... يااما تفرجات فبحال هاد الافلام فMbc 2 وياما كريتيكات على البطلات فيهم مال هاد الخريات مرعودات مال هادو كاايطلقو الحس حتى تحطااات فموقف عممررررو والا جاها للبال غاطيح فيه ... ماكانش الوقت للتردد والا الوقت حتى للضعف والهشااشة هي ماشي فالمغرب ... ماشي فالحسيمة هي ا عباد الله بين رباعة القتالة كايعرفو يهضرو غير بالدمم ... سدات عينيهاا و زطمااات على قلبهااا مكملة طرييقها فالزحييف وياربي غير توصل لأقرب غرفة توصـلها للباب

× مادازت من ديك الغرفة فين كاينة ديك الجثة غيير بستة و ستييين كشيفة ... دازت من فوووقها خايفة غير لايكون حي و يصدق نااايض لها .. ماقدراتش حتى تشوف الضربة فين مضروب .. مع بغات دوز للرابعة لي كانت هي الاقرب للباب و هي تسمع صوت الخطااوي, صقراات و قطعااات الزّي

تعراا الريدو اللول بالنتيير سمعات فيه الحلقات الحديدية كايحتكو بالعمود الفولاذي ... تعرا الريدو التاااني كان بحالا شيي حد كايقلب علييها

" أسماء.؟؟؟؟؟ "

سمعات صوتو و هزات عينييها للفوووق فالريدو لي قبالتها خرجات كاتزحف بيديها و رجليها
أسماء : مرااااد [ هبطو عليها الراحة ولامان كي رحمة ربي ] هاانااا هااانا [ ناضت كاتجري لعندو وتمسح فيدييها فحوايجها ]

ماهنا ليه البال حتى بانت قدامو و للحظة شك ياكما يكون شي حد داها فالوقت لي كان ملهيي معااهم ... رد البال للدمم لي طاليها وللغرفة لي كانت قبالتها ضااية ديال الدمم
مُراد : علاش مابقيتيش كاتسناي فين خليتك؟؟؟ اش وصلك لهيه؟؟

أسماء : [ عقدات حجبانها بقلق ] واش انا كانسمع صوت القرطاس ونبقا فالبلاصة فين دخلتيني ا مراد؟؟؟ خفت شي حد يكون شافني فين دخلت و يجي يتبعني و عاد صوتك مابقيتش سمعتو قلت يمكن وقعات لك شي حاجة بغيت نمشي نعيط للمترجمة تهضر مع الناس لي مضايفينا وتعطيني نمرة لمبيلانص باش ايلا لقيت مانعتق فيك منين مابقيتش سمعت صوتك وماجيتيش لعندي قلبي تزيير عليااا من جهتك

ردات البال لواحد الطبعة دياال الدمم غاامقة فصدرو كانو حوايجو مطليين بجُرح غريب على الجسم ديالو
أسماء : [ خرجااات عينييها مخلووعة ولا اراادياا حطات يدها على دييك البلاصة ] اوييلي؟؟؟ واش تقاسيييتي؟؟؟؟ [ هزات عينيها فيه بلمعة خوف مشطوونة علييه ] خااصك الطبييب ا مراااد