زوجة الكولونيل [ 2 ] COLONEL'S WIFE

Part 55

                      × عند نورة ×

فقصر آل المانع الفخم لي كايطل على الخليج العربي ... تجمعات العائلة والأصدقاء لتوديع الفقيدة العزيزة عائشة ... كانو فساحة القصر المزدانة بأشجار النخيل العالية والزهور المتفتحة تحت السما المغيمة ... الجو مشاارجي بالحزن

النسوة لابسين عباءات سوداء فاخرة منسابة بنعومة على الأرض والرجال واقفين بلباسهم التقليدي المهيب مفارقين فاللبس ومجموعين على ملامح الحزن العميق

وسط هذه الأجواء كانت واقفة هي...

ديك البنت العادية لي ماعندها حتى صلة بهاد العائلة الأرستقراطية الثرية بل كانت مجرد فتاة عادية كاتلعب دور ماعالمين بيه الا بعض الاشخاص معدودين على رؤوس الأصابع

واقفة ولابسة عباءة سوداء مصنوعة من أفخر التواب ومغطية راسها بوِشاح علاين يغطي وجهها ... متبعة تعليمات الشيخ فوزي بالحرف كاتحاول تمثل الحزن قدام عباد الله باش مايشكوش

تحركات جلسات بين النسوة كاتتصنط بإهتمام للخطبة الدينية ديال الشيخ فوزي مستذكر فيها مناقب الفقيدة وحسن سيرتها وهي مرة تتنهد مرة تهز المشوار تمسح بيه دموعها لي يشوفها يقول بكاها على عائشة وهي بكاها على همها الكحل والخرا لي طلاتو خضر فعز شبابها ووحش بلادها وصحاباتها لي ماتقدر تعاود لهم والو ... جابتها الوجيبة وبكااات حتى فشّات العيالات كايسكتو فيها وهي مرة مرة تهز براسها

دازت ديك الخطبة لي تلقات وناضت من حدا العيالات لي كانو فالحقيقة خوالات سندس وبنات خالتها...!! خافتهم غير يشركو معاها الأبجديات ويصدقو زامتييينها فشي موصيبة كحلة

وقفات حدا واحد النخلة شادة فيديها قريعة ديال الما وكاتمسح نيفها حتى خلط عليها قيس بتعابير السخرية وجهو كان حاضيها من بعيييد من الوقت لي جا فيه كون ما الناس كون بداا كايصفق ليها ... مع وقف حدا راسها خنزرات فيه يلاه جا يهضر وهو يوقف عليهم الشيخ فوزي لي كان كايتجول بين الحضور

الشيخ فوزي : [ قرب لعندها ] سندس، ساجد وينه؟ ما شفته اليوم؟

تهنات ورتاحت منين ماكاينش اساساً قهرها فيامات الكلينيك مع مو وشحال محسس غير بوحدو ... حاولات فدوك اليامات تفاداه لاسيما كان ضروري تكون مع عائشة ولكن لي ماضرباتش ليه الحساب كان متعلق بمو وغير دخلات للكلينيك مابقاش كايفارقها .. حتى ولاو كايبقاو معاها بجوج حتى ماتت كانت كاترتاح منو غير فاش كاتبغي تمشي تتعلم تهضر بحالهم ولا على الاقل غير تقرب اللهجة ديالهم وفاش كاترجع للدار بصفة عاامة.

نورة : والله ما أدري [ بدات كاتقلب بعينيها ] ساجد مو موجود

الشيخ فوزي : [ بعدم رضى حاول مايبينوش حدو أومأ براسو ] إن شا الله يكون بخير [ هز عينو فلي حداها ] قيس شلونك؟ شفت ساجد ولا لا؟"