زوجة الكولونيل [ 2 ] COLONEL'S WIFE

Part 65

كان رااسها ضااارها فشنوو سمعات واخا صلحات الوضع بديك العيادة ... راس كايقولها سمعات لي ماخاصهاش تسمعو وراس كايقولها هي اصلا ماكاتفهمش للريفية وفكلا الحالتين ماكانتش حاملة جد مها
ختيمة : زيديه فراسك وغبريي عليا خنشووشتك [ جرااتها من حوايجها ] تحركي مانبقاش نشوفك قدامي عنداك يسحابلك دوزتها لك هاا هي باقاا صبري على خبييزتك

كانت مزرووبة وكاتشوف هاد البعرة بااقا شادااها
فيروز : غاا بشوية الهيمااج هااء [ نفضات راسها من يدها ] ماجاياشي اصلا نشري سماحتك وحقاش عارفة نيتك ناقصة وادقول مع راساك هادي باينة ماجا دكمل عليا [ حلات البواطة و دهنات بيه وجهها شوية ] هانا جربتو قدامك  فوجهي ماعندو مايعمل لك ايزول لك الاتار داغي ويصفي لك لحمك

حطاتو لها ومع بغات تحرك لاحتو عليها ختيمة ماقابلة منها والو .. حدرات عينيها للتحت كانت القرعة حدا رجليها
فيروز : [ تخطات القرعة بلامبالاة باغا طلع ] ضبّار راسك لي عليا عملتو

شافت فيها بشي شوفات شرااانيييين الشررر كايقطرر منهم
ختيمة : ماتخافيش ا بنت تاونات حتى انا لي عليا درتو

ماداتهاش فهضرتها .. حاسة براسها بحال شي شاريو هااز السخرة خاصها تمشي توصلهاا دغياا

طلعات دغيا للدار مشات للبيت جبدات من مجر الكومود ستيلو وورقة وخرجات لفوق الطبلة بدات كاتقيد بزرربة شي كلمات بالحروف العربية ولكن كانو فالاصل كلمات ريفية .. ماكانتش كاتعرف تكتب بالريفية وماكانش عندها شي اهتمام تتعلم اساساا للريفية بحروفها داكسي كاياخد الوقت المهم عندها هو الشفوي داكشي علاش فاش رحمة كاتهضر معاها ولا تعلمها شي حاجة كاتكتب الكلمة الريفية بالعربية باش تعقل عليييها ايلا خافت تنساها

حاولات تعصرر راسها و تزييد تعصررر و تعقل على داكشي لي سمعات حتى قيدات لي عقلات عليه وجلسات بدات كاتسطر على لي فهمات وكاترجع للديكسيونير ديالها تقلب على الكلمة لي مافهماتش و واخا هكاك كانو واحد الفراغات داكشي بحال املئ الفراغ بما يناسب جوج كلمات وخاصها تعرف اش مكتوب الوسط...

بقات عااصرة عليهم كاتحاول تفهم هادوك اش غايكونو كايعنيو؟؟ واخا كان فيها ماتصوني على رحمة هي تفكها ولكن ببساطة ” ماكانتش كاتيق فيها “ مدامها كانت خدامة عندو وواخا جرا عليها الا ولا كانت شي حاجة مهمة عارفاها غاتنوض توصلها ليه ... اللهم تشوف هي اش كاين وياكما نسات شي كلمة ديك الساعة تولي دوز لها الكلمات مفرقيين وسط الهضرة كل مرة تسولها على وحدة

” واقيلا مشغولة ياك! “

تنفضاات وسداات الدفتر دغياا وهزات راسها فلي دخل ... مشاو عينيها للباب لقات رااسها بزربة لي دخلاات مزروبة نساات ماتسد الباب كااع

ختيمة : [ شافتها فين كاتشوف وضارت جهة الباب ] الباب كانت محلولة

جلسات فوق سداري كانت فشكل تقول هزيتي وحدة وحطيتي وححدة فماكاملاش حتى نص ساااعة صحييحة
ختيمة : جيت باغا غير ندي ونجيب معاك فالهضرة مريم معامن موالفة نتجمع راكي شفتيها مسكينة [ هزات راسها للسقف ] الدار عندك كايرتاح فيها بنادم