Healed in Madrid

17

Unedited...

"Hi," bati ni Faith nang pumasok sa opisina ng binata. "Bukas na ang start ng photoshoot ko."

"Sila na ang bahala sa 'yo, out na ako roon dahil marami pa ang gagawin ko," sagot ni Elias na nakatingin kay Faith na nakatayo sa harapan niya. "Please take a seat."

"Hindi ka nagre-reply sa mga chat ko."

"Kung hindi lang din tungkol sa business ang ipinunta mo rito—"

"Elias naman, wag na tayong magkunwari," pakiusap ni Faith. "We need to talk."

"Ano ba ang dapat na pag-usapan natin? Photoshoot mo? Commercial? Payment?"

"Alam mong hindi iyon ang tinutukoy ko, Elias. About us! Gusto kong ayusin natin ang bagay-bagay. May pinagsamahan naman tayo."

"May pinagsamahan nga tayo pero fake naman pala," sabi ni Elias at tiningala si Faith. "Gusto mong pag-usapan? Fine. Ano at alin doon?"

"I—I'm sorry," panimula ni Faith. "I was too naive and naguguluhan ako. Hindi ko alam kung ano ang gagawin ko noon. Siguro dahil na-bored ako or may hinahanap ako na hindi mo maibigay. Siguro yung excitement or—basta. But believe me, minahal kita. It wasn't my intention to hurt you kaya nga hindi kita iniiwan kasi alam kong masaktan ka. Basta!" hindi niya rin maipaliwanag noon. Nakokonsensya syang saktan at iwan ang binata dahil sobrang bait nito at mapagbigay sa kanya.

"Wala na tayo," sabi ni Elias. "To summarize, break na tayo dahil niloko mo 'ko. You cheated on me."

"Elias—"

"What we have is pure business na lang, Faith. So let's not open-up our past. Let's move on."

"H—Hindi ka na galit sa akin?"

"Hindi ko masabi, Faith. Kung ano man ang turing ko sa 'yo ngayon, bilang may-ari ng kompanyang ito at ikaw bilang talent ko," sagot ni Elias.

Napasulyap si Faith sa naka-engrave na pangalan ni Elias sa ibabaw ng mesa. Elias A.Gonzales. CEO. Alam niyang magaling talaga mag-handle sa business si Elias. Sabi nga nila, wala na siyang hahanapin pa rito. Gwapo, mayaman at mula sa disenteng angkan. Sa sobrang gwapo nito, halos lahat ng babae ay napapatingin pero kapag makilala na ng matagal, alam din ng lahat na si Elias ang lalaking hindi mo basta-basta malalapitan at malandi dahil ang suplado nito at pihikan sa mga kinakausap.

"Sana bumalik tayo sa dati. Hindi man bilang magkasintahan pero kundi bilang magkaibigan," puno ng pag-asang sabi ni Faith pero hindi sumagot ang binata kaya napabuntonghininga siya. "Alis na ako, salamat sa time."

Ni hindi man lang siya hinatid ni Elias at pinagbuksan ng pinto gaya dati.

"Morning," bati ni Madrid nang makasalubong siya. Kanina pa niya gustong pumasok sa opisina ni Elias pero nasa loob pa raw si Faith kaya naghintay siya.

"Hi," nakangiting bati ni Faith.

"May ginagawa ba si Elias?" tanong ni Madrid kahit na iba ang nasa isip niya. Malay ba niya kung ano ang ginagawa ng dalawa sa loob? Baka nga nagkabalikan na ang mga ito at may milagrong ginawa.

"Pagod sya," sagot ni Faith at ngumiti.

"Ah, napagod," ani Madrid na nakaramdam ng inis dahil parang may ginawa nga ang dalawa.

"Balita ko kayo na ni Elias pero front lang dahil sa clients ninyo?" tanong ni Faith.

"Ah—yun ba, wala iyon. Kung sino man ang nagsabi sa 'yo, wag mong isipin 'yun. For business lang 'yon," sabi ni Madrid dahil baka nga nagkabalikan ang dalawa at mag-away pa. Kahit paano ayaw naman niyang maging third party.