" චූටි ඔයාලා ආවද....දෙන්නම ඇවිත් මෙතනින් ඉඳගන්නකෝ"
අක්කා මටයි මහීෂ අයියාටයි දෙන්නටම කතාකරලා සෝෆා එකෙන් වාඩිවෙන්න කිව්වා.මාත් මොකුත් නොකියා ගිහින් අම්මට එහා පැත්තෙන් ඉඳගත්තාම අයියා ඇවිත් මට එහා පැත්තෙන් වාඩි උනා.මම ශේප් එකේ අම්මා දිහා හොර ඇහැ දාලා බලනාව එක්කම අම්මා මගේ පැත්ත හැරුනා. මම ශේප් එකේ මොකුත් දන්නෙ නැති හා පැටියා වගේ ඉස්සරහා බලන් හිටියා .
" පුංචියි මායි මේ ඔය දෙන්නා ගැන කතාකර කර හිටියේ චූටි."
"අපි ගැන?"
මම මහීෂ අයියා දිහා බලද්දි මේ අඟහරු කැස්බෑවා හිනාවෙලා මාව දැකලා ආපහු ඉස්සරහා බලාගත්තා.
"ඒ කිව්වේ?"
"ඒ කිව්වේ මේකයි.....මම ඔය දෙන්නා ගැනයි ඔයාලගේ realationship එක ගැනයි කතා කර කර හිටියේ"
"කැහ්...කැහ්.....මොකක්?"
"මහීෂ පුතාට ඇත්තටම පුලුවන් ද මම මේ වෙනකම් ඇහැක් වගේ පරිස්සමෙන් බලාගත්තු මගෙ කොල්ලව හැමදාටම බලාගන්න?"
අම්මා මාවා පිටිපස්සට තල්ලු කරලා මට එහා පැත්තේ හිටපු මහීෂ අයියාගෙන් දුකින් ඇහුවා.
"ඔව් පුංචි....මම පොරොන්දු වෙනවා පුංචිට... මේ වෙනකන් පරිස්සම් කරා වගේ ඉස්සරහටත් මගේ පන වගේ මම මල්ලිව බලාගන්නවා"
"ඔය ඇත්තමයි නේද පුතේ?"
"ඔව් පුංචි...මම මල්ලිව පරිස්සමෙන් බලාගන්නවා"
"චූටි පුතා......."
අම්මා ඊළඟ තත්පරේම හැරුනේ මගේ පැත්තට...අනේ දෙයියනේ මොනාද මේ වෙන්නේ...එක්කෝ මේක හීනයක් ද...වෙන්න බෑ පඩිපෙල ගාවදී නිමේෂයා පුපට ගහපු එකත් රිදුනානේ...කොනිත්තන් බලන්න ගියිත් චාටර් එක හැබැයි ...
"අම්මා?"
" ඔයා ඇත්තටම මහීෂ පුතාට ආදරේ කරනවද?"
අම්මා ඒක අහනවාත් එක්කම මම මහීෂ අයියාගේ මූණ දිහා බැලුවා....ඒ මූනේ තිබුනේ හරි අහින්සක ඉල්ලීමක්..අයියා ඒ එක්කම මගේ අතකින් අල්ලගෙන ඇඟිලි එකට පටලගත්තා..
"ඔව් අම්මා . මම අයියාට ආදරේ කරනවා. සමාවෙන්න අම්මා ඔයාට කලින් නොකියපු එකට"
YOU ARE READING
🌼..ප්‍රාර්ථනා නිමා නොවේ..🌼
Romance🌼සුන්දර ප්‍රේමයක් සොයා යන අහිංසකයෙකුගේ ප්‍රේමනීය කතාව🌼
