فلتنحني لقلبي تذللا [ تتمة ]

𝑷𝑨𝑹𝑻★200

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

فــي بــــلاصـــة اخــرى..

قفزت فبلاصتها من وسط النوم ملي سمعت الحركة حولها مع هزت راسها وهي تبان ليها فيروز عند الباب لي غير شافتها ناضت وهي تبتسم مقربة لعندها ..

فيروز:" سمحي ليا فيقتك ، دقيت الباب ولكن مسمعتنيش..تجي تفطري معايا؟ مكنقدرش ناكل بوحدي وخالتي لي موالفة نفطر معاها مكايناش".

بقات كتشوف فيها مع ان ما كانت عندها نفس ولكن كانت باغا تخرج من داك الشونبر وتشوف فين هي بالضبط ، دوزت يديها على وجهها  محركة راسها بموافقة وهي كتنطق..

سلمى:" واخا".

فيروز بتسمت بحماس محركة لها راسها بتفهم :" غادي نخليك تغسلي وتبدلي حوايجك راه البلاكار عامر ".

نهات كلامها خارجة وسادة الباب موراها ، تنهدت بضيق وهي كتحامل على راسها نايضة لحمام بكل ثقل غاسلة وجهها وفمها وخرجت غادا نيشان للبلاكار حالاه كتشوف شنو تلبس..

كاع الحوايج كانو بساط واغلب غير بجامات طوال وبعض بالسروال ، مدت يديها جابدة وحدة قصيرة حدها ركبة شافت انها غادي تجي قدها ..

داتها للفراش ووقفت كتحيد فداك القفطان ولبستها نيشان على ملابسها داخلية ، جمعت شعرها الفوق ولبست كلاكيطا كانت تما وحلت الباب بشوية خارجة كتدور عينيها على الدار ..

كانت دار بسيطة مصلوحة مزيان وفراشها زوين بحال اغلب الديور مغربية لاصحاب طبقة متوسطة ، مع زادت وهي تلقى فيروز فوجهها لي جات عندها جاراها من يديها ..

فيروز:" اليوم صبح الحال سخون بزاف ، عليها حطيت الفطور فطيراس ".

سلمى كانت متعجبة لحيويتها كيفاش قادرة تعيش هاكا وتعامل على انها ماشي مغصوبة عليها العيشة هنا ..فيروز ما كانت هازة فرحة بوجود سلمى كانت متلهفة انها تلقى ونيس يفهم معاناتها وحياتها وتشارك معاه ايام والالم ..

مشات جارة الكرسي باركة فطبلة مشير لسلمى تقرب لي كانت واقفة كتشوف فداك السطح كيفاش مجهز وكله غرس وورد منضره كان كيأسر القلب..

فيروز لاحضت ذهولها بداك المنظر وهي تنطق:" عجبك الورد ؟ انا لي غرستو وسقيتو تا كبر هاكا ،نبات وغرس كان حاجة الوحيدة لي كنقدر نديرها هنا بخاطري وما غاصبني عليها تا حد ".