فلتنحني لقلبي تذللا [ تتمة ]

‏‎‏‎‏𝑷𝑨𝑹𝑻★217

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

كانت كتدور على راسها شادة تليفون فيها كتحرق باغا غير شي حد يجاوبها يعطيها خبار عليه شنو وقع لها واش تقدر تشوفو ...

كانت كتعيط في نفس النمرة لي عيطت ديك الليلة فاش جاو داوه، من حسن حضها انها قدرت تفكر وتصرف ان فالوقت لي صونات على ديك النمرة سيفطتها من تليفون لوكا لتليفونها باش تبقى عندها وتقدر تخدم بها من بعد ..

خللت صباعها فشعرها بتوتر ملي ملقاتش رد كان ابيل كتدوز ولكن لا مجيب ، تا بدات كتفقد امل حتى كتحل ابيل بدون ما ينطق طرف اخر بكلمة .

عذراء:" الوو ...بغيت نسولل على جيانلوكا، كيف بقا واش نقدر نهدر معاه".

لا رد خيم صمت طويل قبل ما يكسره صوت خشن ناطق (باايطالية ) :" ميمكنش حيث راه  مات ".

كان هذا كل ما صدر من الطرف اخر قبل ما تقطع المكالمة ، وسعت عينيها مبعدة تليفون من على وذنها كتشوف فابيل تقطعت عاودت صونات له تا كتلقى الرقم لي كتعيط له تطفى ..

بركت فوق فراشها شادة فراسها قبل ما تنهار ببكاء كانت كتطلب غير انه يكون حي ولو يبغي يخرج من حياتها المهم ميكونش خسر حياتو بسببها ..

ما كانت عارفة ما تدير ما حليتها لراسها ما حيلتها لبنتها لي كانت سادة على راسها ما باغا تهدر معاها ما بغا تاكل ولا تمشي تقرى سجنت راسها فالشونبر ديالها رافضة تخرج منه ..

فــي بـــلاصـــة  أخـــرى..

وبالضبط عند آدم لي كان كيدور فالدوار كله كيقلب دار بدار عليها وكل واحد مشا عندو وكيعرفوه كيقرب على مراتو كينضمو له يقلبو معاه عليها مع انهم ما كانوش عارفين ولكن مدامها كانت كتخص ولد الصديقي فالكل قدم يد المساعدة ..

كبير وصغير كانو خارجين معاه كيقلبو عليها ،لدرجة الدوار كله ساق الخبار وترون ان ضيفة عاد دخلت له بسوايع قلال تا ختفات وتا واحد ما شافها ولا بانت ليه ..

داز الوقت وظلام عليهم الحال وهوما كيقلبو عليها ،آدم فديك اللحظة كان كيتحرق كانه بالع الجمر زاد تأكد ان الموضوع اخطر مما ظن  في اول انها غير خرجت وبركت فشي بلاصة او حتى مشات مع شي حد من ناس الدوار ..