فلتنحني لقلبي تذللا [ تتمة ]

‎‏‎‏‎‏‎‏𝑷𝑨𝑹𝑻★232

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

فــــي الـــفـــيـــرمـــا ..

كان واقف فالجردة كيكمي بلا عقل ، كارو مورا كارو كان باغي غير يبنج عقله بالنيكوتين وينهي دوك المعاناة ودوك افكار لي كانو كيمخرو فدماغه ..

كان كيحاول يتملك راسو وميخليش الغضب يتملكه ، حس بشي حد وقف حداه ولي بمجرد ما اتخذ مكان بقربه عرفو شكون ..

بعد الكارو من بين شفايفه شادو بين صباعه كيدور فيه تحت انظاره قبل ما يلوح فالارض وهو كيخرج الدخان اخير مرافق بمخارج الحروف وهو كينطق ببرود ..

آدم :"بعد عليها فوتها عليك ،مباقيش باغي نشوفك كتدور بساحتها ، حترم راسك وسنك وحتارم ولادك (تلفت له ) بنادم الطبيعي ملي كيغلط اما كيصحح غلطه او كيعطيه تيساع مكيبقاش يزيد يوسع فداك الغلط ، زمان مكنتش باش نوقفك عند حدك ، ولكن دابا انا كاين ..غادي تقرب لها غادي تلقاني انا فوجهك ".

نهى كلامو باش يدور يدخل حتى كيوقفه صوت عياذ ملي نطق بانفعال:" كتهددني ، واش عارف راسك معامن كتهدر ".

تلفت جنب بدون ما يشوف فيه :" عتابرو كيف ما باغيي ، وعارف معامن كنهدر ..كنهدر مع الراجل لي والدني ، الراجل لي مدارش قيمة لولادو لي غيكبرو واحد نهار ويوليو رجال وغيعرفو راسهم زيادة شهوة فاسدة ، ولي نفسهم غيشوف باهم كيفسد مع مهم بلا موجب شرع ..وهو نفسه لي كيغلط ومكتحملش غلطه ..هذا معامن كنهدر ..معاك نتا".

لاح كلامو فوجهه ودار داخل ، مع فاتو رجليه الباب مع لقى ياسين فوجهه كيخنزر فيه ومن نضرات كان بادي عليه انه عرف ما وقع من ميرفت ،قرب لعندو دافعو من صدرو بعنف وهو كيصرخ فيه ..

ياسين:" شحال من مرة اولد القحـ بة كنقول لك متبقاش تقرب ناحية مي ،متبقاشش تقرب لجهتها .. ومتقيسهاشش.. ماسوقكش تفسد تبيع لحمها تعرا (دفعو ) ما عندك تا حق عليها ..سمعتي انا ولدها انا الوحيد لي عندي الحق عليها ..كون باغتك نهار لول تكون معاها وعندك حق عليها كون داتك معاها ولكن هي مبغاتش وعمرها ما غادي تبغيك ..فكون راجل وبعد عليها ".

قرب وجهه لعند ادم حاط جبهته على ديالو بتحدي وهو كيصرخ فيه:" دير نفسس وبعد منها ، المرة الجاية لي ترجع تقيسها بكلمة ولا حتى باي قلو ة ..غادي تشوف مني لي مغاديشش يعجبك غنضرك بنفس الطريقة ".