فلتنحني لقلبي تذللا [ تتمة ]

‎‏‎‏‎‏‎‏𝑷𝑨𝑹𝑻★229

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

عــــنـــد مــيـــرفــــت..

من بعد ما مشا من عندها آدم وخرجت منها بالخوف وتأنيب الضمير بركت كترضع فنوح ونجم وهي كتبكي ،كان شعور مخزي ومقرف ان تخبى على ولدها بديك الطريقة وهي اكثر وحدة عارفة انه لو شافها فداك المنظر فانه غادي يكرهها ويمكن ميعاودش يشوف فوجهها مرة اخرى ..

عياذ كان فجنبها شاد واحد من الولاد حضنه تا كيسمع تنغنيغ ، قرب لعندها كثر ناطق بهدوء ..

عياذ (باستياء) :" دابا لاش البكا ، ياك قلت لك غادي نهدر معاهم ، اش باقي خاصك مزال ..علاش عليك عزيز عليك تروني القضية ".

تلفتت له بعيون عامرة بالدموع ناطق بانهيار :" اش باقي خاصني ؟ باقي خاصك ترجع ليا حياتي لي ضاعت وولدي وختي لي خسرت والدموع لي بكيت حياتي كلها بسبابك ..غير هدشي لي خاصني ..غادي تقدر ترجعهم ".

هز حاجبو فيها :" لاش كدوري وترجعي لهدشي ، داكشي مشا مع الزمان ومن لول تا واحد ما ضربك على يدك تكوني معايا وتصبري لداكشيي ،عاد متنسايشش انك مكملتيش خليتني وخليتي كلشي ومشيتي تزوجتي داك ولد القباج وديتي ليا ولدي..".

ميرفت خرجت فيه عينيها :" كتحاسبني حيث كنت باغا نعتق ما ضاع ليا من حياتي معاك ،حيث بغيت حياة كريمة ومنبقاش العشيقة لي كتيصدق عليها ..ايه كان خاصني نبقى حياتي كاملة بين رجليك تابعك ياك واخا سمحتيي فيا ما مرة ما جوج وفضلتي الفلوس و الجاه عليا".

رخى ملامحه فيها ناطق ببرود :" الحب مكيوكلش الخبز ، مغاديش يدير لداري فين يعيشو ، نتي كان عندك داك الحب هو كلشي انا كنت كنشوف فوق منك داك تخربيق قلت لك نعيشوه ولكن منسبقوش على كلشيي ما كانش يستاهل نخسر عليه كلشيي وباقي ميستاهلشش ولا رجع الزمان ورجعت وقفت قدام با باش نختار نتي ولا رزقي غنرجع نختار نفسس الشي ".

هبطو دموعها من كلامه لي كان قاسيي جدا على قلبها ومشاعرها كانت عارفة من ديما انها الحلقة الاضعف عندو ولكن متضنتش لهاد درجة مستخصر فيها كلشيي ..

ميرفت(بسخط) :" وملي الفلوس واملاك يستهلو كثر مني لاش راجع كتقلب عليا علاش جاي باغي تعاود توسخ ليا وجهي مع ولاديي ..علاش راجع علاش..شنو باغييي منيي ".