فلتنحني لقلبي تذللا [ تتمة ]

‎‏𝑷𝑨𝑹𝑻★204

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

داز الــوقـــت وظـــلـــم الـــحٰــال..

عند سلمى كانت باقا فداك البيت منو مورا لقائها مع مكة ما عودت خرجت منو ، كانت باركة كتطل من شرجم على حسان لي كان واقف مع صحابو فالدرب تا كتسمع الدقان ..

سلمى تلفتت لباب:"دخل ".

تحل الباب وبانت موراه فيروز بوجها لي كله كدمات ، بتسمت وهي كتقرب ليها...

فيروز:" خالتي سيفطاتني نعيط ليك تجي تبركي معانا ".

سلمى مع بغات تجاوبها وهو يوصل صوت الشطيح والغناء على الجهد ، عقدت حواجبها باستغراب ناطقة بتسائل:" فين هدشي ؟."

فيروز:" عندنا ، خالتي جايين عندها صحباتها مرة مرة كيديرو عراضة هاكا ".

سلمى هزت حواجبها بتعجب :" هاكا قولي سيدة شيخة ".

فيروز حركت لها راسها برفض :" لا لا غير كيعجبها نشاط تعالي عندنا ، بركي شوية بدلي جو هاد البيت ".

سلمى شافت تا عيات ونطقت :" قربي عونيني ومنقدرش نعفط علي رجلي ".

فيروز بتسمت مقربة لعندها بحماس شادة فيها، سلمى عزت عليها للولهة أنبها ضميرها انها قالت ليها داك الكلام وبديك الطريقة ..

سلمى:" متقلقيش مني حيث قلت ديك الهدرة صباح غير كنت معصبة ".

فيروز شافت فيها :" ما تقلقت ما والو عادي والله يلاه زيدي نمشي ".

خرجت معاونها تزيد بدون ما تحط رجليها المفدوعة في الارض ،طلعت بيها لطيراس غير وصلو وهي تضربهم ريحة البخور ودخاخن ..سلمى غير شافت داك منظر وهي تعرف اش مطبوخ تما ..

ما دخلو وهي تبان ليهم مكة طالعة فوق القعدة لابسة بجامة خفيفة و كتشطح بحزام الموزون وشعرها طويل الكحلل كيلعب موراها ودايرين بها عيالات من نفس شكلها كيضربو بالظعارج وبنادر وحداهم المجمر ودخاخن على جهد مضبيبن الرؤية ..

ما كانش منظر طبيعي ولكن مع ذلك متصدمتش نوعا ما لان كانت تاهي بنت حي شعبي وعارفة ناسو كيفاش كيكونو بخصوصا العائلات لي ولادهم بحال زودياك وفرعون ..اكيد الام مغاديش تكون ما كتهزش جبهتها من الارض ..