فلتنحني لقلبي تذللا [ تتمة ]

‏‎‏𝑷𝑨𝑹𝑻★206

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

كانت خارجة هي وياه الدار بعد مشقة اانفاس عكس ليها فكلشي فسبيل انها تبدل رأيها ولكن مع ذالك بقات صامدة معاها كانت ناذرة انها هاد الليلة مغادي تخليه يصور منها تا حاجة ..

وقفت مادة يدها تحل الباب وهي تسبقها يدو حالو ليها هو ، دارت كتشوف فيه وهي متبسمًة بتعجب من حركته ، طلعت ركبت مخلياه ساد الباب وداير طالع لبلاصتو مديماري ..

وقبل ما يتحرك حس بها شدت ليه يدو مقربة بجسمها ناحيتو كتنطق بصوت حنين في حين يديها كتمسد على فخده ..

هدى:" فين غادي تدينا الحبيب ديالي ".

هز حاجبو فيها كينقل بصرو بين يديها لي كتمسد ففخده مسببة ليه انتصاب عضوه وبين وجهها وهو كينطق :" اش هاد صوت شيطان دايرا وحيدي يديك ولا غنحو يك ديلمك هنا ".

هدى غير سمعاتو اش قال وهي تحذر عينيها نيشان لعضوه غير شافت انتصابه وهي تبعد يدها من عليها ما كانش باقي عندها فين تهز شي جولة اخرى..

رجعت لبلاصتها كتقاد فشعرها تا كينطق على غفلة:" غنمشيو نتعشاو وغادي نرجعو ، غدا راه تابعانا الطريق ".

تلفتت كتشوف فيه وهي كتحرك راسها بموافقة ،كانت كتعامل بنفس طريقتو .. تفحصها شحال قبل ما يديماري محركة من تما شاد الطريق ومرة مرة كيتلفت ليها كيلقاها ساهية فالطريق ..

كانت مستمتعة بالبرد لي كيداعب ملامحها مع ان وضع ما كانش احسن حاجة ولكن كان عاجبها الحال وراضية به ، عقدت حواجيها ملي حسات بيه جرها من شعرها ..

تلفتت كتشوف فيه باستغراب:" نعام مالك ".

ضرب ليها تخنزيرة ودور راسو لطريقة مخليها كتضحك من استغرابها كل مرة كتظن انها قدرت تفهمه كيخالف توقعها ..

تسناتو تا دخل وسط المدينة وهي تقرب لعندو ناطقة بهدوء:" آدم تقدر عفاك تدوزني لدار غير نشوف بابا وان اكد عليهم يجيو لسبوع ، عفاك خمس الدقايق مغاديش نفوتهم عفاك ".

ما شافش فيها قاع ومتسوقش لكلامها ، تا كنت غادي تذمر من بروده وهي تمالك نفسها بعدت عليه راجعة لبلاصتها مربعة يديها حاضية الطريق بنضرها ..