فلتنحني لقلبي تذللا [ تتمة ]

‎‏‎‏‎‏𝑷𝑨𝑹𝑻★224

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

فـي بلاصـة اخـرى

بالضبط عند سلمى لي كان خارجة الشونبر ديالها باش تطلع لطابق الثاني ، وبدون وعي منها وهي حاذرة راسها كتجمع فشعرها تا خرجت فجلال على غفلة لي كان داخل في نفس الوقت لي هي خارجة فيه..

تخبطت على الجهد وكون ما شدها كانت غادي تطيح ، تخالطو اللون فوجهها ملي حسات بيديه على خصرها ،ديك الساعة تمالكت راسها نايضة واقفة مبعدة عليها وهي متحاشية النضر له ..

في حين هو شاف فيها ببرود قبل ما يدفعها بجفاء من قدام طريقو وداز غادي لبيته مخليها متلفة حاضياه وهي مترددة تنطق ولا تسكت ..ولكن في اخير تشجعت ناطقة بنبرة مهزوزة مقدرتش تحكم فيها ...

سلمى:" شوف، جلال ".

وقف فاارضه قبل ما يتلفت لها بملامح جامدة كيتسنى منها تنطق تقول اش عندها ، سلمى توترت كلشي توضر لها كانت كيخلعها وكيوترها بزافف..

حذرت راسها كتلعب بصباعها قبل ما تنطق :" كنت باغا نسولك ، واش تقدر تخليني نمشي نشوف حسان ولا حتى غير ديني نتا ".

جلال دور وجهه ناطق بجفاء:" مكاين لاش ، غادي تشوفيه ملي يرجع للدار ".

كان هذا كل ما خرج من جوفه قبل ما يدخل خابط الباب موراه مقفزها فبلاصتها ، تنهدت حاطة يدها على صدرها كتحسس دقات قلبها لي كان على وشك ينفجر من الخوف ..

دارت باش تكمل طريقها وهي تتنطق بصوت مسموع:" يربي السلامة من هاد بوعو ،وناري كيسكت القلب ".

ما كانتش رادة البال للباب شونبر جلال لي عود تحل ، مع جات تلوح رجليها تخطي خطوة للقدام تا كيبرد لها الدم فعروقها ملي تسلل مسامعها صوته وهو كينطق بنبرة باردة ..

جلال:" ونتي فطريقك للفوق ، كلمي فيروز..بوعو باغاها ".

نهى كلامو راجع راضخ الباب مرة اخرى مخليها كتطرف برموشها بعدم استعاب قبل ما تستوعب وتطير من تما طالعة كتجري قبل ما يرجع يحل الباب ويشدها يعطيها قتلة ..

ما حبست تا وقفت كتنهج عند مكة لي كانت باركة شادة محمد فحجرها لي سرعان ما نطقت ملي شافتها مخطوفة اللون..