فلتنحني لقلبي تذللا [ تتمة ]

‏‎‏‎‏‎‏‎‏𝑷𝑨𝑹𝑻★236

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

خناثة قربت لعند هدى كتشوف فيها قبل ما تهبط عينيها لكرشها ناطقة :" تنتي هاز...".

قبل ما تكمل كلمتها تسمع صوته الحاد قاطع كلامها مخلي انظار كلها تحول جيهته مستغربين من وجوده المفاجئ..

آدم :" اش واقع هنا ، علاش مخليين الناس وداخلين ".

بمجرد ما سمعت صوته حولت نضرها من على خناثة لجهتو كتفحصه اللحظة لي شافت اضطراب لي مستوطن ملامحه وهي تقرب منه شاداه من يديه ..

هدى :" ما واقع والو غير ايمان عيات شوية ودخلنا معاها (خفضت صوتها) مالكً اش واقع لك ".

آدم شاف فيها بنضرة خاطفة قبل ما يحول نضره لعند خناثة لي كانت بدورها تاهي كتشوف فيه بتمعن قبل ما تبتسم ليه بطريقة مريبة خلاتو يعقد حواجبو فيها ..

خناثة دارت عند ميرفت ناطقة ببرود:" غيلقينا ربي الزعرة ، غنتسناك".

ميرفت حركت لها راسها بتفهم :" ان شاءالله ".

زادت موراها باش توصلها وهي توقفها خناثة  ملي دارت لعندها ناطقة برفض:" الباب كنعرفو ، ما كاين لاياش ".

نهات كلامها زايدة بخطواتها تقال وعينيها على هدى وادم لي كانو كيرمقوها بنفس الطريقة مع غادي تفوتهم وهي تستوقفها هدى لي معرفتش كيفاش دارت تا تشجعت وشدت ليها فيديها مانعاها تمشيي..

هدى(باندفاع) :" شنو كنتي باغا تقولي ليا ، مكملتيشش كلامك ..تأنا شنو ".

خناثة شافت فيها قبل ما تدور عينيها لآدم راسمة ابتسامة عريضة على محياها وهي كتنطق بهدوء..

خناثة :" نقول ليها ازين سيفة ؟(تلفتت لعند هدى) زمانك يعلمك راه عندو بك الغراض  ".

نهات كلامها دافعة يديها من عليها وزادت فالطريق تحت انظار الجميع مستغربة من غير آدم لي تبعها بعينيه بنضرات يتخللهم الشك ..

عبيد كسر الصمت ملي نطق بقلق موجه هدرتو للميرفت :" اش عند ايمان ؟ فاقت ؟ ".

ميرفت بتسمت له :" باقا ناعسة كترتاح ، مبروك عليكم ..راها حاملة".

عبيد اضطربو ملامحه بصدمة من داك الخبر لي تكشف بطريقة مثيرة للريبة ، هدى انفرجت اساريرها كتقرب لعند ميرفت ..شادة ليهاا فيديها ..