فلتنحني لقلبي تذللا [ تتمة ]

‎‏‎‏‎‏‎‏𝑷𝑨𝑹𝑻★233

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

كل ما كان يسمع فقلب الدار هو صراخها ، كانت باغا غير جواب يطمن قلبها ..كان واقف كيشوف فيها بكل برود كتغوت وترنح بديك الطريقة ولكن مع ذلك ما خلا تا واحد يقرب لها ..

شافها زادت للخدامة كتجر فيها من حوايجها ومن يديها وهي كتسول على ولادها اش واقع لهم ، مشا جرها من يديها مبعدة من على خدامة لي كانت كترجف خوفا منها ..

شدها من كتافها ناخضها وهو كينهض فيها بحدة :" سكتييي باراك ".

تنخست بحرقة وهي كتنطق ببكاء :" ولادي ..فين هوما جبيهم ".

شاف فيها ببرود قبل ما يطلق منها مخطيها وغادي مبعد من عليها مخليها تابعها كتعيط بسميته بصراخ..

هدى:" آدم ، آدم فين ولادي ".

تبعاتو كتجري شاداه من ذراعها وهي كتشهق وتنحرر :" فين غادي ، قولي عفاك شنو واقع ..آدم ".

آدم :" سكتي من البكاء الا باغا تعرفي فين هوما واش واقع ".

حركت له راسها وهي كتحاول تحبس من البكاء(بتنغنيغ):" هانا سكت يلاه قول".

شاف فيها شحال قبل ما يدور عند الخدامة :" جيبي لها كأس الماء ".

رجعت تلفت عند هدى شادها من يدها غاديها بها لصالون تبرك وموراهم خولة وايمان وميرفت ..

بركها وبركو حداها البنات من جهة ومن جهة اخرى، دوزت يديها لي كان كيرجف على خدودها كتسمح فدموعها قبل ما تلفت لعند ميرفت شادة لها فيديها ..

هدى:" خالتيي عفاك قوليي ليا اش واقع ".

ميرفت طبطبت ليها على يديها قبل ما تند يدها كتمسح ليها على شعرها شعرها بحنانة وهي كتنطق بهدوء:" غير الخير ابنتي ، واش الا كانت واقعة شي حاجة خايبة غادي تشوفينا كاملين باركين ما كنديرو والو ،وليداتك لابس عليهم راهم كيتخنو ."

هدى طرفت برموشها بعدم استعاب قبل ما تنطق بتساؤل :" وعلاشش؟ علاشش هدشيي".

نهات كلامها ملفتة لعند آدم ناطقة بعتاب :" علاش درتي لهم هاكا ، ولادي باقين صغار على هدشيي ، وعلاشش مقلتهاش ليا علاش متشورتيش".

شاف فيها ببرود تان قبل ما ينطق بنبرة ابرد بكثير :" ولادي وانا لي عارف شنو لي صالح لهم ".