فلتنحني لقلبي تذللا [ تتمة ]

‏‎‏‎‏𝑷𝑨𝑹𝑻★219

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

زير عليها بقبضته مخليها كتفرك تحتو وهي كتبكيي قبل ما يطلع راسه مقابل معاها كيتسناها غير تفتح عينيها باش تمكن من انها تلمحو ..

كانت كتحارب تحتو وكل ما فراسها ان هذاك لي لقاها هو لي كيحاول يتعدى عليها ،حتى لحظة بلحظة بدات كتستوعب ريحته لي تغلغلت لها فاعماق .

طرفت بعينيها كتحاول توضح الرؤية  قبل ما تحلهم كتشوف فيه وهي بالعة ريقها ودموعها كيسيلو على وجنتيها ..

رتجفو شفايفها وهي كتحاول تنطق بنبرة يتخللها البكاء:" هذا نتا ".

عوج راسو فيها رامقها ببرود ناطق بنبرة اشد برودة :" كنتي كتسناي شي حد اخور يكون فوقك؟  ".

رمشت كثر مرة وهي كتحاول تفهم كلامها بلا وعي منها نطقت مبررة:" لا لا والله غير غير كان شي واحد تلاقيت بيه جرا على الكلاب وو ..ومبقيتش عارفة شنو من بعد."

زير على يديها ناطق بحدة :" قاسك ؟."

هدى:" لا لا والله ما قاسنيشش".

رخى ملامحه بها:" باش عرفتيها ملي ما عاقلة على والو ".

حلت فمها فيه ما ع فت ما تقول كان محاصرها بطريقة كانت عارفاها مزيان انه غادي يحملها ذنب ما وقع ولو يكون الغلط منه ، خيبت سيفتها ملي زاد زير على يديها ..

آدم :" رجليك لاش عتبو الباب ،جايبك انا هنا باش تبداي تديري ليا فقحو بك وانا نبقا تابعك مخرجك كل مرة من وسط الز واملل ".

طرفت بعينيها ناطقة بنبرة متألمة :" انا انا ،مكنتش باغا ".

مقدرتش تكمل كلامها ملي ناض من فوقها جارها من يدها مخليها تقعد عندو هاز ليها يديها لي فقبضته قدام وجهها ونطق بسخط ..

آدم :" فين الخاتم ..لي قلت الا تحيد صبعك يتقطع ".

نزلت بنضرها كتشوف فصباعها لي كان فارغ بنضرات خائفة وهي ما عارفة ما تقول :" الخاتم ؟..فين مشا كان فصبعي والله ما حيدتو ".

شاف فيها قبل ما يشد ليها صبعها لي كان فيه الخاتم وكرز عليه كانه باغي يقردو ليها تحت انضارها الخائفة لي مدامتش بزاف حتى اختفت معوضاها  بنضرات غاضبة ملي طرف فبالها سبب الرئيسي لي خلاه هدشي يوقع ..