فلتنحني لقلبي تذللا [ تتمة ]

‎‏𝑷𝑨𝑹𝑻★203

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

فيروز كانت واقفة غير كتشوف كتحاول تفهم حوار لي داير ولكن ما فهمت والو مع هاد الحركة لازمتها طيلة هاد سنًوات لي دوزت فهاد الدار ولحد ديك اللحظة كانت باقة بحال اطرش في الزفة ..

كانت عادة عندهم اي كلام كيبغيو غير هوما لي يفهموه كيتعاملو بلغة اخرى لي على علم بها غير هوما ..

مكة تلفت لفيروز باش تمشي تدير ما قالت ليه مع بغات تهدر وهو يتسوقفها منظر سلمى لي كانت كتشوف فيهم من الباب لي سرعان ما لاحظها تا حسات لي ديك الساعة مشا عندها ..

حسان:" متخافيش ما واقع والو وغير رجعي دخلي ، شوية ونجي عندك ".

سلمى شافت فيه وقلبت عينيها باش تدخل وهي توقفها مكة بكلامها لي كان نوعا ما لاذغ..

مكة :" مالكي على دوك الشوفات البنية ،يكما ما عاجبكش ."

سلمى تلفت ليه كتشوف فيها شحال :" عاجبك نتي لي مو ؟ باراك عليه ".

مكة هزت حاجبها فيها ودارت شافت فحسان ناطقة باستياء:" كتطيح ليا غير مع نمرات ".

حسان بتسم على كلام مو وهو كيدور يدو على عنق سلمى جارها له تحت اعتراضها ناطق بااعتراف :" مي كنبغيها ، كون مديتهاش كان غيهرب ليا ".

سلمى سكنت بين يديه كتشوف اعترافه بديك الطريقة كأنه كيقول اكثر اشياء طبيعية فالعالم ، ما حساتش براسها تا نطقت بعتاب ..

سلمى:" كون كنتي كتبغيني كعما غادي تدير داكشي لي درتي ".

نهات كلامها دافعاه وراجعة داخلة للشونبر لي كانت فيه مخلية مكة كتبركم ..

مكة:" مفهمتش انا هاد ولاد عندي طايح حبهم غير على الحجر ".

فــي بــلاصــة اخــرى..

بالضبط عند سكينة لي كانت ناعسة على ظهرها معرية كرشها في حين طبيبة داير ليها سونار باشي يشوف جنس الجنين ..

سكينة تلفتت لمالك ضاغطة على يدو وهي كلها حماس تعرف شنو عندها ، الطبيبة هزت كلينكس كتمسح ليها الجل وهي كتنطق :" البيبي صحتو مزيانة كلشي عندو هو هذاك غير شوية والوقت ويخرج يصدعكم تا هو .. ان شاء الله ".