فلتنحني لقلبي تذللا [ تتمة ]

‏‎‏‎‏𝑷𝑨𝑹𝑻★213

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

داز الـــوقــــت ..

كان مركز فالطريق سايق بيد وثانية  فحضن هدى لي كانت كتحسسها باناملها ، كان مرة مرة كيتلفت لها كيشوفها غير ساهية وكتخمم ملي شدو الطريق ما دوات ولا نطقت بكلمة حدها كانت مركزة مع الطريق ..

ضغط بيدو لي فحضنها على فخدها مخليها تلفت لعندو بترقب في حين هو نطق بتساؤل ..

آدم :" بخير؟ .. فيك الجوع؟."

حركت له راسه موافقة حاطة يديها على كرشها :" فيا موت كرشيي كتغرغر واخا فطرت حسيت بحالا ما كليت والو "

بتسم لها :" هحنا ما بقا والو ندخلو لاسفي وناخد لك شي حاجة تقدي بها تا نوصلو لسوق وناخد لك اتاي وسفنج ، كيعجبك بعدا؟."

خرجت عينيها فيه بلهفة وهي تبلع ريقها :"  اه اه السفنج ،وهذاك لي صغير وفيه سنيدة ".

ادم عقد حواجبو :" شنو هو ،كيف داير".

همهمت له بتفكير:" تاهو بحال سفنج ولكن صغير وتاهو كتقلى فزيت وكيرشو عليه سنيدة ".

ادم دور عينيه كحاول يفهم شرحها ،رفع حواجبو ملفت عندها ناطق بترقب :" خرينكو؟".

حركت له راسها بموافقة وهي كتنطق بلهفة:" اه اه هذاك ،تاهو بغيتو مع اتاي سخون ، شحال باقيي ونوصلوو  ،واش بزافف ؟".

بتسم جنب على لهفتها ناطق بهدوء:" غنوقف فلفرمسيان ، ناخد اش خاص ونتحركو نص ساعة نوصلو ليه ، مبقاش بزافف ".

هدى:" واخا غنصبر غير متعطلشش".

همهم لها بموافقة وهو داخل مدينة اسفي كيدور فشوارعها  تا وصل لعند واحد فرمسيان كبير كان هو نفسو لي كيوقف فيه كل مرة كيكون غادي للفيرما كياخد منو الدوايات لي كيخصوه ..

وقف قدامو هابط له مخلي هدى حاضية  وكتدور عينيها فين هي كانت اول تجي لهاد المدينة كانت  الجو فيها معتدل وكالم واول ما لفت نضرها بزارات الفخار لي كانو كثار ..

بقات شحال كتمنظر تا بان ليها ادم خرج من الفرمسيان هاز. جوج كراطن متوسطين دار بهم نيشان للكوفر دارهم فيهم عاد مشا ركب وديمارا محرك من تما ..