فلتنحني لقلبي تذللا [ تتمة ]

‎‏‎‏𝑷𝑨𝑹𝑻★210

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

داز الـــوقــــت ..

كانو باركين كياكلو وكل واحد ما كيهدر مع الثاني او باحرى عذراء لي كانت قاطعة هدرتها معاه من نهار لي وقع المشكيل فمدرسة بيلار وتا لوكا خلاها على هواها ..

كل واحد دايها فطبسيلو تا تنطق بيلار على غفلة وهي تلوح الفرشيط من يديها بزعاف ..

بيلار :" امتى ممكن تزوجو  دابا ".

عذراء وسعت عينيها فيها وهي كتكح ملي وحلت ليها الماكلة انا لوكا متسوقش حدو شاف فعذراء مخنوقة وهو يضرب لها على ظهرها بجهد مهبط لها اللفمة لي وحلت فحلقها ..

هزت كاس الماء كتشرب منو وهي  كتلفت لعندو مخنزرة فيه :" باغي تهرسني ".

طرف بعينيها جهتها ببرود ودور وجهه لعند بيلار ناطق باستفسار:" لاش هاد سؤال دابا "

بيلار غوبشت :" حيث بغيتكم تزوجو ونسكنو كاملين ".

عذراء شافت فيها:" وحنا دابا شنو دايرين ".

بيلار تأفأفت :" انا باغا زواج باش مبقاش عندكم فين تفارقو ولانتي تخرجي مع راجل غيرو وتاهو ".

عذراء وسع عينيها من تفكير بنتها لي ولا اكبر من سنها ببزاف ، بيلار شافت فلوكا وهي تنطق ..

بيلار:" نتا  راجل نتا لي خاصك  تطلب منها الزواج ، جيب خاتم وهبط على ركابيك وقوليها تقبلي تزوجي بيا ".

لوكا هز كاس كيجغم منه وهو مشير للعذراء: " ندير هدشي على قبل هذي؟".

بيلار:" اه وعلى بيمن باغي تزوج ".

لوكا رخى ملامحو ناطق بنبرة غير مكثرة:" مكنتزوجش بالقحا ب ".

عذراء وسعت عينيها بصدمة من كلامه  ومن طريقة كيف قالها ، مداز بزاف قبل ما تحول صدمتها إلى كسر مخلي الدموع يتجمعو فعينيها قبل ما يتمكنو انهم يطيحو على خدودها ناضت بجهالة من تم دافعة الكرسي ودايرة داخل للشونبر خابطة الباب موراها ..

بيلار شدت راسها وهي كتشوف فلوكا لي نطقت موبخاه:" اش كتخرا غير قول ليا ، مكتعرف تدير تا خرية ..ياه  ياك قلت ليك اش تدير و ماشي هاكا ".

لوكا هز حاجبو فيها :" شتك كتدوي معايا هاكا تصحبني مك ".

بيلار دفعت الكرسي نايضة  :" ومالك اش كتصحب راسك ، سير تخرا ياه على راجل ".