فلتنحني لقلبي تذللا [ تتمة ]

‎‏‎‏‎‏‎‏‎‏𝑷𝑨𝑹𝑻★239

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮 ‏

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

فـي الــفـــيــرمــا ..

مورا داكشي لي وقع كل مشا يلم جراحه فجهة ، كان واقف فجرد تا الارض ما كانت هازاه ، دار كارو فمه وجبد البريكة كيحاول يشعلو ولكن رجفة يدو كان لها قرار ثاني ..

مع انه شي تافه الا زاد فغيضه وعلى ما بيه ، كانت واقفة موراه مخلياه مع نفسه وفي نفس الوقت ما كانت قادرة تغفل عليه وهي اعلم بحالته..

ولكن اللحظة لي شافته كيعاني مع البريكة لي ما كانتش راضية تشعل وفقط كانت كتزيد من تقربه لحافة انهيار الشي لي خلاها تدخل محاولة تنهي معاناته..

وقفت قدامه كتشوف فيه كيفاش محارب مع البريكة لي قرر ينهي حرب ضاغط عليها بقبضته سعيا لسحقها ، ولكن تدخل هدى في تلك  اللحظة تمكنت من انها تعتق رقبتها من حبل المشنقة ..

شدت كفه بين يديها حالاه بصباعه جابدة البريكة من وسطه وشدتها فكفها مقرباها للكارو لي بين شفايفه شاعلاه ليه ، نتر منو بنهم وقبل ما يتمكن انه يزفر دخانه .. ستوعب انها واقفة معاه ..

الشي لي خلاه يدور للخلف زافرو فالهواء قبل ما يحيد الكارو من شفايفه طافيه بين صباعه مخليها كتغوت بخوف ملي شافت عملته..

جرت يديه عندها كتشوف فالحرق لي تسبب له فيه الكارو ، قربت شفايفها من صباعه كتسوط عليهم محاولة تبردهم ..

هزت نضرها فيه :" علاش درتي هاكا".

شاف فيها بجمود مخليها تنهد مخرجة لسانها كتلعق فحرق صباعو كتحول تبردهم وفي نفس الوقت كتباعد الرماد الكارو من عليهم ..، كان واقف فالارض اقرب ان يتحول لصنم وهو يتأمل منضرها قدامه ..

كانت الوحيدة لي كتقدر تذهب ضجيج عقله وكتخلي السكون يخيم داخله مهدن عليه ديك الزوبعة لي كانت قبل ما تجي لعندو ..

حرك كفه لي بين يديها طالع بيه لخدودها كيتحسسهم مستشعر دفئها ضد برودة اطرافه ، هزت عينيها فيه كترمقو بهدوء قبل ما تمد يدها لوجهها بنفس وضعيته ناطقة بخفوت..

هدى:" انا غنبقى ديما معاك ، وغنختارك ديما على كلشيي ".

ما لقاتش من ردة  فعل او تا جواب ولكن مع ذالك ما كملت ما فكدير لانها على علم انه محتاج لهاد الهدرة ولو انه يقابلها بكل برود ولكن غادي تفرق معاه فالداخل ..