فلتنحني لقلبي تذللا [ تتمة ]

‎‏‎‏‎‏𝑷𝑨𝑹𝑻★226

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥. 

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً  ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

دار حول نفسه شاد فراسه وهو كيحاول يتمالك نفسه وما يفقدش اعصابه ما كانت قدامو غير واحد الطبلة فوق منها كيسان هز رجلو ضاربها مخلي كل ما فوقها يتشخشخ ..

ايمان وخولة قفزو مغوتين برعب كان باقي شادة فيهم خلعة طيحة هدى ، ملي شافو ادم هكاك ناضو واقفين طايرين لعند عبيد وياسين كل وحدة شادة فالراجل ديالها ..

دار لجهتها كيغوتت عليها بسخط:" اشنو قلت ليك انا ، علاششش مكتسمعيش الهدرة . قلت لديمك بركي لارض ونتي عدو ربك كتنقزي من بلاصة لبلاصة ..رتاحيتي دابا ..شوفيي حالتك ..واش باغا تخرجي ليا العقل ".

هدى كان لونها مخطوف وزاد عليها ملي شافته فديك الحالة ،ما كانتش فاهمة علاش دار هاد ردة فعل كله كانت مصدومة نوعا ما لان شافت شيء عادي انها تطيح ..

ولكن هدشي ما كانتش كافي يخليها توقف فوجهه وفهاد الحالة ديالو ، بلعت ريقها بتردد ناطقة بتعلثم ...

هدى:" راه راه ..مقصدتش غير عكلني القفطان وطحت من فوق الكرسي ، راه مافيا والو ".

نهات كلامها كتخاول تنوض تا كيصرخ فيها مقرب لعندها :" متحركيشش بقاي فبلاصتك ، ما فيك والوو شوفيي دمك واش داك الراس عندك مافيهش دماغ متفكريشش لاش طالعة خلي اي قمقوم يطلع يضبر كر هم ".

ميرفت كانت غير كتشوف فيه كيفاش كيغوت عليها وخارج عليه العقل محملها اللوم الشي لي خلاها تنطق بتبرير:" هي مالها والو اولدي الغلط ديالي انا لي قلت ليها طلعيي  جبدي ليا داكشيي ..مسحها فيا ل".

آدم غوبش فيها:" وعلاش تقوليها  لها ، عيطي ليا انا ولا لولدك ولا اي شي قوا د اخر ومتطلعيهاش هي ..متقربوششش لها ما باقيششش شي واحد يطلب منها تديرر شي قلو ة ..راه توقع لها اي حاجة غادي نخرجها منكم طرف بطرف ".

هدى وسعت عينيها فيه ناطقة بدفاع:" تا واحد ما قال ليا طلعي انا لي بغيت نعاون ، دابا علاش كتدير هاكا ..راه".

ماساعفهش الوقت تكمل هدرتها لانه بمجرد ما سمع كلامها دار ملفت لها ناطق بسخط:" نتيي سكتيي حسابك معايا من بعد هاد الراس قاصح لي عندك غنهرسو لديلمك كتسمعيي، مالاقش ليك الخاطرر كتمشيي غير بالعصا ".