فلتنحني لقلبي تذللا [ تتمة ]

‎‏‎‏‎‏𝑷𝑨𝑹𝑻★222

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

فـي فـــيـــرمـــا ..

من بعد الفطور لي دوزوه في جو محب ورومنسية طاغية ،ناضو كيدورو فالفيرما كيوريها البلايص لي فيها ولاش كيصلاحو ..

كان دافع بالبوسيط ديال ولادو وهي على جنبه شادة فذراعه كتدور عينيها حتى كتنطق على غفلة ملي وسطلو لاسطبل الخيول ..

هدى": ها عندكم تا الخيل ، ناري شحالل كيعجبونييي واخا كيخلعوني ".

شاف فيها ناطق بهدوء:" اش كيخلعك فيهم فايت طحتي من فوق شي واحد ؟."

حركت راسها بالرفض ناطقة بهدوء:" جامي اصلا فكرت نركب فوقه او حتى نقرب لهم من عند الله كنشوفهم غير من بعيد القلب ديالي كيبقى يضرب على الجهد وكتشدني دوخة بحال طالعة فوقه ".

كان معوج راسو فيها كيتأملها كيفاش كتهدر وتشرح خلاها تا سلات كلامها وهو ينطق بخبث :" هدشي كعما شفته شدك ملي ركبتيه طالعة فوقه".

عقدت حواجبها فيه بعدم فهم :" امتى ركبت عليه ؟ والله عمرني طلعت فوقه ".

بتسم لها قارصها من خدها ناطق بتحذير:" ما تحلفيشش على الكذوب".

نهى كلامو داخل بولادو لاسطبل مخليها موراها كتحاول تستعقل امتى ركبت الخيل حتى كيطيح فبالها معنى ما قصد انها سبق لها ركبت عضوه فالممارسة ..

بتسمت وهي كتنادي بسميتو :" آدمم ،حرام عليك خليتني كنعصر فراسي كنتفكر امتى ركبت على العود".

تبعاتو داخلة موراه كتقلب عليه تا كيبان ليها واقف كيمسح على راس واحد العود بيض اللون مخالط بقليل من اللون الرمادي ، وقفت كتشوف فداك العود كيفاش كحرك فشعره مخلي شعره يضرب فوجهه ادم وهو كيحك له على راسه ..

نتبه لها كيفاش واقفة بعيدة عليها وهو يمد يدو الثانية جيهتها ناطق بهدوء:" قربي متخافيشش ".

شافت فيدو بتردد قبل ما تمد يدها شادة فيه وهي كتزيد لعندو ببطئ وترقب من ردة فعل العود لي مدار تا حركة بقا ملاهي مع يد ادم الثانية..

وقفت حداه مخلية يدو على خصرها في حين الثانية كتمسح للعود على راسو ، هدى وسعت عينيها بذهول من تفاصيل وجه الخيل لي كأنه مرسوم رسم ..كانت اول مرة تقرب له لهاد درجة ..