فلتنحني لقلبي تذللا [ تتمة ]

‎‏‎‏‎‏‎‏‎‏‎‏𝑷𝑨𝑹𝑻★240

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

ترقب ردها كان باغي جواب يثلج قلبه انها غالطة قالتها بدون ما تفكرر، ولكن ما لقاش ما بغا ..

حطت يديها على صدرو العاري دافعاه من عليها نايضة باركة وهي كتنخسس ناطقة بنبرة باكية ..

هدى:" آدم عفاكك متديرش فيا هاكا ، لي فيا كافيني كنحسس بقلبي غادي ينفجررً، انا ممكتابش ليا نفرح ... ضروري ما يخرج لي ينغص عليا حياتي".

رخى ملامحه فيها قبل ما نطق بتذمر :" هاد المرة نتي لي باغا تنغصيها على راسك "

نهى كلامو مهبط عينيه ليديها غير لمح حروقها الطفيفة وهو يتنهد واقف داخلة لدرينسج جابد علبة اسعافات ورجع برك حداها ، جر لها يديها لعنده رافع عليهم حوايجها وجبد معقم داره فقطن وبدا كيحاول يعقم لها دوك الحروق ..

هز راسه فيها كيتأكد من انه ما كيضرهاش ، ولكنه لقاها جامدة الملامح كل ما يتحرك فيها هوما دموعها لي كيطيحو على خدودها كيف الحجر ..

رجع مكمل مداويتها وهي اقرب ان تتحول لصنم ، دور ليها الفاصمة على معصمها قبل ما ينطق بهدوء ..

آدم :" خوي راسك من داكشي لي وقع ، كان مكتاب يوقع لها نتي كنتي غير سبب ، واخا يكون فبلاصتك شي حد اخور كانت غتكون نفس النتيجة ، خلي عليا انا هدشي ".

رتعشو شفايفها ناطقة بقهر :" ولكن علاشش انا ، ميمكنشش ليا نعيش عادي ونسى ما وقع وانا دمرت حياة انسانة ماليها والو ، واش عرفتي شنو هيي تشوه الوجه ، كون وقعت ليا انا حياتييي غادي تساليي تما ، ونتا عارف هدشيي شفت نضرتك كنت خايف نكون انا لي تحرقت ، فشنو الفرق بيني وبينها تاهي بنت وانا لي منرضهاش لراسي ما نرضاه لتا حددد".

عقد حواجبو فيها ناطق بامتعاض:" وشنوً معمول ؟ شنو باغا تقولي ؟".

نزلت عينيها من عليه متحاشية النضر له قبل ما يرتعشو شفايفها شاهقة بسبب الغصة لي خنقتها قبل ما تنطق بخفوت ..

هدى:" تزوج بها ، ومتخليهاش تضيع ..حيث منقدرش نعيشش ونخليها مورايا كتعاني بسبابي ."

نهات كلامها دايرة يديها على وجهها جاهشة بالبكاء مخلية آدم كيشوف فيها بذهول تام، لو ان احد قال له هاد الكلام من يومين كان غيضحك عليه لان مرتو تفضل تقـ تل راسها على انها تشارك حاجتها ..