فلتنحني لقلبي تذللا [ تتمة ]

‏‎‏𝑷𝑨𝑹𝑻★207

❥ ／فَلْتَــــنْــــحَـــنِي لِقَــلْـــبِــي تَــــذَلُلاَ／❥.

الـــفــصــل الـثالـث و الاخــير : ^ أنـتِ بـدايـة روحـي ، و أنـتَ الـخـتـام ^.

بقلم ✎𝐖𝐢𝐣𝐨𝐮

<< أبـَليتَـني بِـالعِـشـق ثُـم تَـركتَـني و اَذقْـتَـني حُـلـوَ الـهَـوىٰ فَـقتَلتـني وهَـبْتـني قَـلبـاً يَـفِيـضُ تَـعاطُـفاً ، يَـا خَـائِـنـاً بِـالـحُـبِ كَـيـف كَـسرْتَـني بِـرحيلِـك ، فَـهل مّـن عَـودةٍ ؟ فَـالـرُوح عَـلى مَـشـارِف اِخْـتتَامِـك >>

فـــي بــلاصــة اخـــرى..

كان داخل بطنوبيلتو من بعد ما حل ليه العساس باب الفيلا ، مجرد ما دخل بيها وقف هابط منها لايح الساروت للعساس باش يبلاصيها مع دار للباب لوراني وهو يستوقفو صوتها ..

خولة :" ياسيين جيتي ".

دار كيتلافت كيقرب عليها وسط الضوء خافت تا كتبان ليه باركة فوق الكرسسي ، قرب لعندها بخطاوي متعثرة ..

ياسين(بثقل):" اش باقا كتدير هنا ، علاش ما نعستيشش".

خولة هزت كتافها بحيرة وهي كتأمل جفونه المحمرة ونطقت :" بقيت كتسناك تاترجع (عبست) علاش تفليتي عليا مشيتي وخليتيني ".

ياسين ما كانش صاحي ليها دوز يدو على وجهه راجع بخطاويه للور:" حيث مكانش يليق يديك فين كنت غادي ، سيري طلعي تنعسي ..شوفي ليك شي شونبر خاوي باتي فيه هاد الليلة ".

خولة قربت لعندو :" علاش شونبر خاوي؟ مغاديشش نبات معاك ؟".

ياسين مشى لطونبيل حال الباب اللوراني وهو كينطق بخبث :" شونبر ديالي عامر هاد الليلة مكايناش ليك بلاصة ".

مع نهى كلامو مع جر الباب كاشف على جوج دريات لي ديك الساعة هبطو عندو لباسهم القصير لي كان عارض كاع مفاتينهم وزيادة على جمالهم الجماح ..

خولة حلت فمهم فيهم وكملت ملي بانو دارو عند ياسين كيتحكو عليه بديك الطريقة لي بين ليها هوما علاش جايين معاه .. ما شعرتش بالدموع لي غرقو عينيها وهي كتقرب لعندو كتشوف فسه كيفاش مدور يديه على خصر كل وحدة فيهم ..

خولة(ببكاء):" ياسينن وأنا ؟."

ياسين عقد حواجبو دافع البنات من عليه غادي عندها محضور كيشوف فدموعها :" ونتي مالك ابابا ؟، باغا تحـ وي معايا.. نتشاركو فيهم ولا شنو (نزل عينيه كيشوف فانوثتها) خسارة معندكش ز ب اما نخليك تلعبي معايا ".

خولة هربت لها من بين شفايفها تنخسيسة وهي كتقرب لعندو شادة فحوايجو :" علاش جبتيهم اش بغيتي تدير بيهم ".

ياسين بتسم وهو كيتلفت كيشوف فدوك البنات ورجع شاف فخولة :" اش جبتهم؟ هممممم..(حط يدو على قلبو) هادو الدوا مع عارفاني انا ضارني القلب طبيب خرج ليا منهم جوج حبات فالصباح وجوج فالليل داكشي علاش".