استمع كلاهما الي صوت شهقة عالية حيث صدمها زين لتجد سلاحه مصوب اتجاه رأسها وقد اسرعت لتوقفه
انا نهال والله العظيم نهال
اسرع لينزل السلاح بعد ان تملكه الدهشة بوجودها داخل سيارته
انتي دخلتي هنا ازاي
-طلعني بس الأول انا ضهري اتقطم وبعد اللي حصل ده ابني زمانه اتصرع
امسك بيدها لتخرج وقد اسرعت تبرر فعلتها
يعني اعملك ايه مانت مرضتش تقولي مكان أنس مكنش عندي حل غير ده
=وافرضي كنت قتلتك دلوقتي
-اللي حصل بقي فين أنس
=مش هنا وانا معرفش مكانه ولازم تمشي دلوقتي معايا
-زين بقولك ايه انا مش هتحرك من هنا غير لما اشوفه
=قولتلك مش هنا ويلا يانهال انتي اصلا الدكتورة منعاكي من الحركة
استنزف زين طاقتها لتطالعه بإستعطاف تؤكد شعورها بإنه في هذا المكان الموحش
وانا بقولك انه هنا ريحته في المكان انا شماها جوزي هنا يازين ياأنس انت فين
=قولتلك مفيش حد هنا
نهال
استمعت الي صوته ينطق اسمها لتلتف اليه وقعت عينيها عليه اخيرا بينما ضم زين شفتيه بغضب فقد تحول الي السيئ بروايتها لتعود بنظرها اليه
ده اللي مش هنا مش مسمحاك يازين
قالتها بنبرة باكية تبدي استيائها كالاطفال ليحاول أنس تهدئتها
تعالي تعالي يابت المجنونة
ركضت بكل قوتها لتحتضنه وقد تشبثت بملابسه ليمسك بها وقد رفعها حتي اصبحت لا تلامس الارض فقد اشتاق اليها وقرر إلتزام الصمت امام انزعاجها وهي تشتكي منه إليه
حرام عليكم حرام عليكم بقي
=حقك عليا اهدي خلاص
اخذ يمسح علي خصلاتها وقد دفنت رأسها بصدره
يعني ايه متقولوليش يعني ايه
=كنت خايف عليكي والله
-ولما ابقي مش عارفة مكانك هبقي كويسة يعني
=انا اسف حقك عليا
قاطع زين لحظاتهما بحديثه اليها
نهال اللي بتعمليه ده خطر عليكي وعلي أنس
شعرت بالضيق من حديثه فكلما اقتربت نجح في ابعادها
بقولك ايه انت خاله بقالك مدة صغيرة لكن ده حبيبي بقاله عمر بحاله فمفيش حد هيخاف عليه زيي
ضحك أنس ورفع كفيه بإستسلام
اهي دي الوحيدة اللي مبقدرش عليها فمتحاولش
اخذت تعاتبه بنظراتها ليضم وجنتيها بكفيه
مش هستحمل نظرتك دي يانهال والله العظيم كل حاجة تعباني تهون لكن عتابك ده مش هيهون انا بس بحاول احميكي
أنت تقرأ
أنيسي(جاري تعديل السرد)
Lãng mạnظننت أن القدر أبكاني، لكن كل طرقي المظلمة أدت إلى نورك في النهاية. خبأتك في ظلامي حتى لا يعلموا مصدر ضعفي، لكن نورك ظهر في عيني فأصبح ذلك الحب شقائي وشقاؤك
