ညက အရက်သောက်ရင်းအိပ်ပျော်သွားခဲ့တာ မနက်နေမြင့်တော့မှ ဂျိတ်ခ်တစ်ယောက် အိပ်ယာကထနိုင်သည်။ ညက ဘယ်လိုကနေဘယ်လို အိပ်ယာပေါ်ရောက်လာလဲဆိုတာတောင် သူမမှတ်မိတော့။
နောက်ကျနေပေမဲ့ ဆောင်ဟွန်း အသင့်ပြင်ဆင်ပေးခဲ့တဲ့မနက်စာကို စားပြီး ဆိုင်ကို လိုက်လာခဲ့လိုက်တယ်။
ဖြစ်ချင်တော့ ဆိုင်မှာ ဆောင်ဟွန်းကရှိမနေခဲ့ပဲ အချိန်ပိုင်းကောင်လေးတစ်ယောက်သာရှိလို့နေခဲ့သည်။ ထိုကောင်လေးရဲ့မျက်နှာဟာ ဂျိတ်ခ်ကိုမြင်တာနဲ့ ပုံမှန်လိုပြုံးရယ်မပြတော့ပဲ အနည်းငယ်တည်တံ့သွားတာကို ဂျိတ်ခ် သတိထားမိပါရဲ့။
ညက သူ့ရဲ့အပြုအမူတွေအပေါ် စိတ်ခုနေပုံပါပဲ။ ဂျိတ်ခ်ဘက်ကလည်း ဂရုတစိုက်ရှိလှတယ်လည်းမဟုတ်ပါဘူး ဆောင်ဟွန်းကသာ စိတ်မခုနေရင် ပြီးတာပဲလေ တခြားသူတွေဘယ်လိုထင်ထင် သူ ဂရုမစိုက်ပါဘူး။
" ဆောင်ဟွန်းရော "
ထိုကောင်လေးဖျော်နေသည့် ကော်ဖီခွက်စီမှ သင်းပျံ့ပျံ့အနံလေးတွေပျံ့လွင့်လျက်ရှိနေသည်။
လွန်ခဲ့တဲ့တစ်လအတွင်း ဆောင်ဟွန်းက အတင်းသင်ပေးခဲ့လို့ ဆောင်ဟွန်းနီးပါးဖျော်တတ်နေပြီဟု မနေ့က သူ့ကို ထိုကောင်လေးက စကားမရှိစကားရှာပြီး ပြောပြခဲ့သေးသည်လေ။
" hyungက လိုအပ်တဲ့ပစ္စည်းတွေသွားဝယ်တယ်"
" ဘယ်မှာသွားဝယ်တာလဲ "
ဆိုင်မှာ စားသုံးသူရှင်းနေသည့်အတွက် ဒီအတိုင်းနေနေလိုက်လျှင် နေရခက်နေလောက်မည်ဟုထင်သည့်အတွက် ထိုကောင်လေးပြောပြလာသည့် ဆောင်ဟွန်းသွားရာနေရာသို့ လိုက်သွားဖို့ကိုသာဆုံးဖြတ်လိုက်တော့သည်။
စျေးကသိပ်မဝေးတာကြောင့် ကားကိုပြန်ပြီးယူမနေတော့ပဲ လမ်းလျှောက်၍သာ လာခဲ့လိုက်တယ်။
အရင်ကတည်းကလုပ်ကြည့်ချင်ခဲ့သည့် ကိတ်မုန့်အလှဆင်ခြင်းကို မနက်ဖြန်လုပ်ကြည့်လျှင်ကောင်းမယ်ဆိုတဲ့အတွေးဝင်လာတဲ့အတွက်လည်း ထို့အတွက် လိုအပ်သည့်ပစ္စည်းတွေကိုပါ တခါတည်းဝယ်သွားရမည်။
YOU ARE READING
Not for me
Fiksi Penggemarပျော်ရွှင်စွာနဲ့ ကောင်းကောင်းရှင်သန်သွားပေးပါ ငါ မပိုင်တဲ့ ငါ့အပိုင်လေးရေ......
