Not for me

💍 27 💍

ဖိုးဖိုးရဲ့တရားဝင်အမွှေဆက်ခံခွင့်လည်းရခဲ့ပြီးပြီ၊ ပတ်မင်ဟွန်းလည်း သူ့အပြစ်သူဝန်ခံပြီး ကုမ္ပဏီမှနှုတ်ထွက်လိုက်ရကာ အာယောင်းကတော့ အလုပ်ပြန်လုပ်ခွင့်ရခဲ့ပြီ၊ တဖက်ကုမ္ပဏီစီက ကူးချမှုအတွက်လည်းတောင်းပန်ခြင်းကိုခံရပြီးပြီ။

အချစ်အပေါ်မှာ ကိုယ့်ကျင့်တရားမစောင့်ထိန်းခဲ့တဲ့ဂန်ရယ်ဂျွန်ကို အာယောင်းကလည်း အပြီးအပိုင်လမ်းခွဲလိုက်ကာ နိုအာလေးရဲ့အမေအဖြစ်ကို ရွေးချယ်လိုက်တာကိုလည်း ဆောင်ဟွန်းမှာ ကျေးဇူးတင်ရပါတယ်။ သူ့တာဝန်တွေပေါ့သွားခဲ့ပြီ၊ သူကတစ်ခုပဲလုပ်ဖို့ကျန်တော့တာ၊အားလုံးထဲမှာမှဆောင်ဟွန်းအတွက်အခက်ခဲဆုံးအရာကိုလုပ်ဖို့သာကျန်တော့တာ။

အဲ့ဒီ့လိုနဲ့ နေ့တွေ၊ညတွေ၊ရက်တွေကုန်ဆုံးသွားခဲ့ပြီးနောက် စောင့်နေခဲ့ရတဲ့ထိုနေ့လေး သူ့စီရောက်ရှိလာခဲ့သည်။

ဂျိတ်ခ်တို့ကုမ္ပဏီညစာစားပွဲပြုလုပ်ရာ စားသောက်ဆိုင်ရှေ့၌ ရပ်ချထားတဲ့ကားထဲမှာ တွေဝေမိန်းမောစွာနဲ့တစ်စုံတစ်ယောက်ရဲ့အိမ်ပြန်ချိန်ကို ဆောင်ဟွန်း ထိုင်စောင့်လို့နေခဲ့တယ်။

ညဆယ့်တစ်နာရီအကျော်လောက်မှာ
ဂျယ်မင်းhyungမှမနိုင်မနင်းတွဲကူလာရကာ စားသောက်ဆိုင်ထဲကနေထွက်လာတဲ့ပုံရိပ်လေးကိုမြင်ပါမှ ကားထဲကနေထွက်လာတဲ့သူဟာ ခေါင်းငိုက်စိုက်ကျနေတဲ့ဦးခေါင်းလေးကိုကြည့်ရင်း လှိုက်တက်လာတဲ့ ဝမ်းနည်းမှုလေးတွေကတရိပ်ရိပ်၊ သူအများကြီးလွမ်းနေခဲ့တာပဲ၊ အခုန်မြန်လာတဲ့ရင်ဘတ်ထဲကစည်းချက်တွေကို သတိတရရှိချိန်မှပဲ ဆောင်ဟွန်း ဒီကြားထဲမှာ ကိုကို့ကို အများကြီးလွမ်းနေခဲ့မိတာပဲဆိုတာကို သူ့မှာသိရပြန်တယ်။

ဆောင်ဟွန်းသိသည်၊ ဂျိတ်ခ်က ကုမ္ပဏီကညစာစားပွဲတိုင်းမှာ အများကြီးသောက်ပြီးမူးလာလေ့ရှိတာကို သူသိတာကြောင့် ဒီနေ့လေးကိုတမင်ရွေးဖြစ်ခဲ့တာ။ ကိုကို့ချစ်သူ နိုင်ငံခြားခရီးစဥ်သွားနေရတာကလည်း ဆောင်ဟွန်းအတွက်အဆင်ပြေသွားခဲ့တာလို့ပြောရမယ်၊ မဟုတ်ရင် သူက ထိုလူ့လက်ထဲကနေ ကိုကို့ကိုခေါ်ထုတ်လာဖို့ ခက်ခဲစွာလုပ်ရဦးမှာ......