عاصفة الهوى

كلمة مهمة

عايزة اتكلم في نقطة مهمة :
لاحظت كذا حد معترض عن اتهام كريم بحاجة زي كده وازاي راجل بأخلاقه يتهم وكلام كتير من هذا القبيل
انا عايزة افكركم بحاجة مهمة
السيدة عائشة زوجة الرسول وبنت ابي بكر اتهموها في اخلاقها وقت حادثة الافك لما تخلفت عن القبيله وسابوها ومشيوا
وهي بنت ابي بكر وزوجة الرسول
فازاي شايفين ان بطل على ورق في الرواية كبيرة اوي انه يتهم ؟
فاتهام اي شخص مش معناه ان لازم يكون الشخص ده وحش او لازم يكون الاتهام له اساس من الصحة
ما كتير بيتبلى على غيره
العبرة قبل ما نصدق ونرمي وداننا للناس نحكم عقلنا ، يعني ما يجيش واحد ولا واحدة ملهاش ثلاثين لازمة تقولك كلمه عن حد قريب منك تصدقه وتضيع عشرة سنين ، نحكم عقلنا قبل ما نحكم على الناس اللي حوالينا .
اما توصلني اشاعة عن اي حد اوقفها عندي مش لازم اروح ارغي فيها
الرسول قالنا اميتوا الباطل بالسكوت عنه ، فلما توصلك حاجة عن حد وقفها عندك لان ممكن يكون الشخص ده برئ من التهمة دي .
يا ترى كام حاجة سمعتها واستنكرتها زي ما انتو مستنكرين اتهام كريم بطل رواية ؟