" လိပ်ကလေး "
သွင် တစ်ယောက်တည်းပိုင်တဲ့ ကျွန်မရဲ့ နာမ်စားကို ကြားလိုက်ရတာကြောင့် မျက်လုံးတွေကို အားယူပြီး ဖွင့်ကြည့်လိုက်မိတယ် ။ ချစ်ရတဲ့ အမျိုးသမီးက ကျွန်မကို ပြုံးလို့ ငေးနေတာပဲ ။ ဒါပေမယ့် ဘယ်လိုလုပ်ရပါ့မလဲ ၊ ကျွန်မကတော့ ဝမ်းနည်းစိတ်တွေကိုပဲ ခံစားနေရတာလေ ။
" Date ကြမယ်လေ ဒီနေ့ ၊ အန်တီ့ကို ပြောပေးထားတယ် "
" မေမေ့ကို မပြောလည်း ကျွန်မ လိုက်မှာပါ "
" အုပ်ထိန်းသူဆီက ခွင့်ပြုချက်တော့ တောင်းရမှာပေါ့ ၊ ထ ရေထချိုး "
" ရေမချိုးရင် မလိုက်ရဘူးလား "
" အင်း ညစ်ပတ်ရင် မခေါ်ဘူး "
ညစ်ပတ်ရင် မခေါ်ပါဘူးဆိုတဲ့ သွင်က ကျွန်မရဲ့ ပါးကို နမ်းမွှေးလိုက်ဖို့ကိုတော့ သတိရသွားတဲ့ ပုံပါပဲ ။ ထထွက်သွားမယ့် သွင့်ရဲ့ လက်ကို အားနဲ့လှမ်းဆွဲလိုက်တော့ ကျွန်မရဲ့ ရင်ခွင်ထဲကို မငြင်မသာပဲ ပြုတ်ကျလာတယ် ။
" ဟော မင်းက အရမ်းပဲ "
" ခဏလေးပဲ "
သွင့်ရဲ့ နောက်ကျောကို ကျွန်မနဲ့ နီးနီးကပ်ကပ်ဆီ ဆွဲခေါ်လို့ ရင်ခွင်ထဲ ထည့်ဖက်ထားမိတယ် ။ သွင်က သူ့ရဲ့ ခါးပေါ်က ကျွန်မရဲ့ လက်တွေကို ပြန်ပြီး ဆုပ်ကိုင်ထားတယ် ။
" နောက်ကျနေလိမ့်မယ်လေ ၊ ဆက်အိပ်နေဦးမှာလား "
" လေယာဉ်ချိန်က ဘယ်တော့လဲ "
" မနက်ဖြန် ပြောင်းထားတယ် ၊ ဒီနေ့ မင်းနဲ့ အတူရှိချင်လို့ "
" ဒီနေ့ပဲလား "
သွင့်ဆီက အသံတိတ်သွားပေမယ့် ကျွန်မရဲ့ မေးခွန်းကိုတော့ ဆက်မမေးမိတော့ဘူး ။ ရေချိုးဦးမယ်ဆိုပြီး ထလာခဲ့ပေမယ့် စိတ်ထဲ နေလို့မကောင်းတော့တာတော့ အမှန်ပါ ။
" ခွန်းခွန်း မမကို အရမ်းဂျီမကျနဲ့နော် "
မနက်စာစားပြီးလို့ ထွက်မယ်ဆိုရင်ပဲ မေမေ့ရဲ့ သတိပေးသံကို အရင်ကြားလိုက်ရတယ် ။
" ခွန်း မမကို ဂျီမကျပါဘူး ၊ နော် မမ "
သွင်က ကျွန်မကို ဆက်ခနဲ မျက်စောင်းထိုးပြီး အိမ်ထဲကနေ ထွက်သွားတယ် ။
YOU ARE READING
ချစ်ခြင်းသွင်ပြင်
Romanceအချစ်ရဲ့ အသွင်အပြင်ဟာ ဆံပင်နီညိုရောင်တွေကို လက်နဲ့ မကြာခဏ သပ်တင်လေ့ရှိပြီး ... အချစ်ဟာ ခပ်ထေ့ထေ့ အပြုံးတွေကို ပိုင်ဆိုင်ထားတဲ့ အမျိုးသမီးတစ်ယောက် ဖြစ်တယ် ။
