ချစ်ခြင်းသွင်ပြင်

၃၂

[ Warning: This episode contains adult content. Feel free to skip this episode if preferred.]

-

" မင်းက ဘာလို့ အဲ့သလောက် ချစ်ဖို့ကောင်းနေရမှန်း မသိတော့ဘူး "

အိပ်ရာပေါ် ရောက်တော့ သွင်က ကျွန်မရဲ့ မျက်နှာကို လက်ချောင်းလေးတွေနဲ့ တို့ထိရင်း ဆိုလာတယ် ။

" အိပ်တော့လေ မူးနေပြီမဟုတ်လား "

" မမူးပါဘူး ၊ တို့ကို ကလေးလေးများ ထင်နေသလား "

" ဟုတ်တယ် ၊ သွင်က ကျွန်မရဲ့ ကလေးလေး "

" မင်းကမှ တို့ရဲ့ ကလေးလေးပါနော် ၊ ပထမဆုံးတွေ့တဲ့ အချိန်မှာတင် တို့ကို ဂျစ်တီးဂျစ်ကန်လုပ်သွားတဲ့ ကလေးလေး "

" မပြောနဲ့တော့ ဆိုနေ "

သွင်က မမူးဘူးလို့ ဆိုပေမယ့် မျက်နှာ ခပ်ရဲရဲကတော့ လိမ်လို့ မရတဲ့ပုံပါပဲ ။ ဘေးတစောင်းငေးကြည့်နေရင်းနဲ့ သွင်က ရုတ်တရပ်ကိုပဲ ကျွန်မရဲ့ အပေါ်ကို ရောက်လာတယ် ။ တဒိတ်ဒိတ်နဲ့ ခုန်နေတဲ့ နှလုံးခုန်သံတွေက မူမမှန်တော့မှန်း သိပေမယ့် ဘယ်လို တားဆီးရမလဲဆိုတာကို အဖြေရှာမရဘူး ။

လက်ဖျားတွေ မဟုတ်တဲ့ သွင့်ရဲ့ ဝိုင်နံ့သင်းနေတဲ့ နှုတ်ခမ်းတွေကလည်း ကျွန်မရဲ့ နှုတ်ခမ်းပေါ် ကျရောက်လာပါသေးတယ် ။ အယ်လ်ကိုဟောရဲ့ဓာတ်တွေကပဲ သွေးတွင်း လည်ပတ်စီးဆင်းနှုန်းတွေ မြန်လာစေသလား မသိပေမယ့် သွင့်ရဲ့ အနမ်းတွေကြောင့် ကျွန်မရဲ့ နားရွက်ဖျားတွေပါ ပူလောင်လာရတာကိုတော့ ဝန်ခံရပါလိမ့်မယ် ။

သွင့်ရဲ့ ရီဝေဝေမျက်ဝန်းတွေက ကျွန်မရဲ့ ခန္ဓာကိုယ်ထဲက ရေဓာတ်တွေ အကုန်ခမ်းခြောက်သွားသလိုမျိုး ပူလောင်လာစေတယ် ။ ကျွန်မရဲ့ နှုတ်ခမ်းကို လက်ညိုးနဲ့ ခပ်ဖွဖွ တို့ထိပြီး ပြုံးနေတာကို ကျွန်မက ဘယ်လို တုံ့ပြန်မှုမှ မပေးနိုင်လောက်အောင် ငေးကြည့်နေမိတာ ။

" So ... "

သွင့်ရဲ့ လက်ဖျားတွေမှာပဲ လျှပ်စီးဓာတ်တွေ ပါဝင်နေလေသလားလို့ စိတ်ထဲကနေ မေးခွန်းထုတ်မိသွားတယ် ။ ကျွန်မရဲ့ နှုတ်ခမ်းတွေကနေ တဖြေးဖြေးနဲ့ အောက်ကို လျှောဆင်းသွားတဲ့ လက်ချောင်းတွေကြောင့် အသက်ရှူတဲ့ လုပ်ငန်းစဉ်ကို ရပ်ထားလိုက်မိတယ် ။ ရှပ်အင်္ကျီကြယ်သီးပေါ်ကနေ ဖြတ်သွားတဲ့    ခပ်ဖွဖွ လက်ချောင်းတွေရဲ့ အထိအတွေ့မှာ အသက်အောင့်ထားတဲ့ ကြားက သက်ပြင်းကို ရှိုက်လိုက်မိတယ် ။