ယိုယို ဖီးနပ်အိမ်တော်ရဲ့ ဧည့်ခန်းထဲမှာ ဘာဖြစ်သွားမှန်းမသိတဲ့အခြေနေကို ပြန်တွေးယူနေရသည်။လက်ထဲကပေါက်ပေါက်ဗူးကလည်းပိုက်ထားလျက်သား။စွပ်ဖိနပ်လေးတောင် မပါခဲ့တဲ့ယိုယိုပါလေ။
"အစ်ကို ရေခဲမုန့်စားမလား ပြင်ခိုင်းလိုက်မယ်လေ"မင်းသွေးတမာန်က အခြေနေကိုအရင်မရှင်းပြဘဲ ဆိုလာတဲ့စကား။
"နေပါအုံး ဘာဖြစ်လို့ ဝုန်းဒိုင်းကြီးလုပ်ကြတာလဲ ငါဘယ်လောက်လန့်သွားလဲ သိလား"
"ဦးပု ရေခဲမုန့်သွားပြင်လိုက်ပါအုံး အစ်ကိုစားရအောင်"
"ဟင် ဦးပုရောရောက်နေတာလား"
"ဟုတ်တယ် ဆရာလေး"
"ဦးပုပဲမဟုတ်ဘူး ဦးနှောင်းလည်းရောက်နေပြီ အနားယူနေကြတယ် အစ်ကိုလည်းနားအုံး ပြီးမှတွေ့ပြီးစကားပြောကြတာပေါ့"တမာန်ကပြုံးပြီးပြောလာတော့ ယိုယိုခေါင်းငြိမ့်လိုက်သည်။
ဦးပုက ရေခဲမုန့်ယူဖို့ထွက်သွားတော့မှ အလန့်တကြားလုပ်တဲ့ သခင်လေးတွေကိုပြန်ကြည့်ဖို့သတိရတော့သည်။
"ဟို ရုပ်ရှင်ရုံထဲမှာဘာဖြစ်လို့လဲဟင်"အပေါ်ဝတ်ယူလာပေးတဲ့စေတန်က ကိုယ်လုံးပေါ်ခြုံပေးပြီး ဘေးမှာဝင်ထိုက်သည်။ပြီးမှ ယိုယိုအမေးကိုဖြေသည်။
"ချိန်းထားတယ်ဆိုတာရုပ်ရှင်သွားကြည့်တာကို အစ်ကိုက ရုပ်ရှင်ကြည့်ရတာကြိုက်တာလား ဟင်"
"အမ် ကြိုက်တယ်ရယ်လည်းမဟုတ်ပါဘူး အိုက်တမ်နဲ့ချိန်းထားလို့ "
"နောက်ခါ ကိုယ်တို့နဲ့အတူတူကြည့်ရအောင် တစ်ယောက်တည်းမသွားနဲ့တော့ သူစိမ်းတွေနဲ့အတူရှိတာမျိုး ကိုယ်မခံစားနိုင်ဘူး"
အချိုသာဆုံးဆိုလာတဲ့စကားသံကြောင့် မွှေးညှင်းတွေတောင်ထောင်သွားတဲ့အထိ ယိုယိုခံစားလိုက်ရသည်။လိမ်ညာနေတာမဟုတ်ကြောင်းမျက်ဝန်း
တွေက ပကတိဝန်ခံနေပြီး အကြည့်တွေထဲမှာတောင် အချစ်တွေယိုဖိတ်နေပုံရသည်မို့ ခပ်ကြောင်ကြောင်လေးကြည့်နေမိရသည်။
"အစ်ကို"
ခေါ်သံနဲ့အတူ လူကိုဆွဲလှည့်လိုက်တဲ့တမာန်ကြောင့် ယိုယိုနဲ့အကြည့်ဆုံသွားပြန်သည်။
YOU ARE READING
3 in 1❤️
Fantasíaချစ်ခြင်းတရားတို့ရစ်ပတ်လာတာကလူ၃ယောက်အပေါ်မှာတစ်ချိန်တည်း တပြိုင်တည်း ။ကိုယ်ဟာလောဘကြီးတဲ့လူသားလားဆိုပြီး အဝေးကြီးမှာနေဖို့တွေးခဲ့ချိန်မှာအချိန်တွေဟာကုန်လွန်ခဲ့ပြီ။အင်း ကိုယ်ကသူတို့၃ယောက်ရစ်ပတ်ထားချင်တဲ့ထောက်တိုင်လေးတစ်ခုဖြစ်နေမယ်ထင်တယ် #Cover pc လေး...
