#Torpe

Chapter 27: TORPE # 2

Kim's POV

*Sa Classroom*

" Kim, sino yun? " - Christelle

" Ah. Si Shawn. "

" Boyfriend mo? "

" Ahm... ewan? "

" Anong ewan? Boyfriend mo hindi mo alam? "

" Hindi sa ganon. Magulo kasi. Komplikado. "

" Ay alam ko na to. MU? "

" Parang ganon? "

" Ano bang MU sayo? Malabong Usapan sakin e. Hahahaha. " Tumawa siya ng malakas.

" Hoy! Kahit kelan ka talaga. Wag ka nga maingay. "

" Ano ka ba? Ayos lang yan. "

" Kahit na. Nakakahiya. "

" Sus! Marami namang dumaan sa ganyan. "

" Huh? Hindi yung samin baliw! Yung tawa mo nakakahiya! Makatawa kala mo walang bukas! "

" Ay. Hahaha. Sorry naman. " Natawa na rin ako. " Teka, kelan mo ba ipapakilala samin yan? "

" Ewan. Kapag nagkita na kami. "

" Ano?! Hindi pa kayo nagkikita?! "

" Ah... e... hindi pa. " Napayuko ako.

" Ay nako siya! "

" E bakit? Okay naman siya e. "

" Malamang okay yan. Text yan e. Lahat naman ng lalaki okay sa text e kase lahat sila magaling lang sa salita. Lahat sila manloloko. Lahat sila dadaanin ka sa text tapos kapag nahulog ka na, iiwan ka! Ganyan yang mga lalaking yan! "

" Teka Tel. Kami pa ba yung topic dito? "

Natigilan siya. " Ah. Ano? "

" Humuhugot ka na e. "

" Hindi ah! Ang ibig ko sabihin, bakit ka nakikipag-MU sa taong hindi mo pa nakikita? "

" Ano namang masama don? "

" Masama yon kase hindi mo siya kilala. "

" Kilala ko naman siya... konte. "

" Sige. San siya nakatira? "

" Sa Batangas pero sa QC sila nakatira ngayon. "

" Okay. Anong favorite color niya? "

" Pink. "

" Pink?! Tignan mo?! Bakla yan!! "

" Ano ka ba naman Tel? Bakit? Anong masama sa pink? "

" Sige. Anong mga pangalan ng mga magulang niya? Anong trabaho? Anong pangarap niya sa buhay? Mayamn ba sila? Kaya ka ba niyang buhayin? "

" Teka. Teka. Isa-isa lang! " Putol ko sa kanya. " Kailangan ba alam ko lahat yon? Hindi naman kami ikakasal! Ni hindi ko pa nga boyfriend e! "

" Kahit na. Dapat pa rin nag-iingat ka! "

" Oo na. Oo na. "

" Siguraduhin mo lang Kimberly ah! Kapag ikaw umiyak dahil sa lalaking yan, habang umiiyak ka, kinukutusan kita. "

" Ang brutal mo naman. "

" Aba! Kailangan mo yon para di ka na maging tanga. " Lumayo siya ng konti. Nakatalikod sakin. " Para kapag naulit, alam mo na. Para kapag niloko ka, handa ka na. Tulad ko... " Patay. Magkkwento na naman siya ng masalimuot niyang love stories. Unti-unti akong umatras at saka lumabas ng pinto.